From Wikipedia, the free encyclopedia
Русинофил (од Русин и грец. φιλέω люблю) — особа русинского ци карпаторусинского етнолингвистичного походжѣня, котра поважуе, же Русины суть окремым народом.[1]
Концьом 1890-х група подкарпатскых интелектуалох, видячи политичну и културну непродуктивность русофилства, отворила народовскый напрям — русинофилство. Социална база русинофилства была барз узка. Векшина руской интелигенции была промадярска, политично ай културно лоялна мадярскому штату. Русинофилы свѣдомо ся зрекли русского литературного языка и обернули ся ку людовой бесѣдѣ, видячи в том путь оброды и злукы интелигенции и простого люду. Сполчовав их тыжденник Наука, што выходив од року 1897. Познатыма дѣятелями русинофилского напряму были грекокатолицкый священик, публицист Августин Волошин, историк, етнограф Юрий Жаткович, литературознатель Гиадор Стрипскый, редактор Михаил Врабель тай иншы.[2]
Русинофилы были звычайно описованы як «третя» ориентация попри русофилох ай украинофилох, котры аргументовали, же Русины суть лем конарьом русского або украинского народа. В пересвѣдчѣню своей окремѣшности векшина (но не вшиткы) русинофилох поважовала, же они повинны мати окремый властный литературный язык.[1]
В медживойню, в чехословацкой добѣ, русинофилы зоставали найменше вывинутым прудом, авшак мали силну позицию меджи грекокатолицкым духовенством, котрое ся помалы очищало од мадяронства, глубоко закорѣненого за довгы рокы мадярской добы. В наступном куртом часѣ мадярской окупации (1939–1944) влада в Будапештѣ подтримовала вывой русинского языка и културы, Подкарпатское Общество Наук и его русофилскы публикации, але политичны организации были заказаны. В том истом часѣ русофилска чинность была толерована, а украинофилска гонена.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.