педагог, новинарь, фолклориста From Wikipedia, the free encyclopedia
Михаил Врабель (Вырава, жупа Земплин, Австро-Мадярска Монархия, 20. новембер 1866 — Будапешт, Мадярске Кралевство, 4. януар 1923) —школскый учитель, фолклориста, новинарь, выдаватель.
Врабель Михаил | |
---|---|
Рытовина непознатого автора ХIХ. ст. | |
Уроджѣня | 20. новембер 1866 Вырава, жупа Земплин, Австро-Мадярска Монархия |
Умертя | 4. януар 1923, у вѣку 56 рокы Будапешт, Мадярске Кралевство |
Псевдоним | Иван Газда, V. M., В-ль |
Занятя | педагог, фолклориста, новинарь |
Язык творох | руськый |
Народность | Русин |
Родом | з Пряшовщины |
Горожанство | австро-мадярске |
Жанры | публицистика, фолклор |
GKG:/g/11fr3sqwq8;
|
Михаил Врабель родив ся в священничой родинѣ и выучив ся в Унгварской греко-католицкой учительской семинарии (1887). Учительовав од зачатку на Земплинѣ, а в роках 1888–1898 в Руски Керестурѣ, Вербасѣ и Нови Садѣ. В роках 1898–1918 быв редактором руськой новинкы Недѣля (Будапешт), котру выдавала мадярска Министерия земледѣлства про руськых сельскых газдов. В новинцѣ, писаной добрым народным языком, окрем газдовскых тем появляли ся творы подкарпатскых писателей и товмачѣня з украинской и русской литературы (Марка Вовчка, Л. Глѣбова, С. Руданского, В. Стефаника, Л. Толстого, Ю. Федьковича, А. Чехова, Т. Шевченка и др.), фолклор. Яко прилогу ку Недѣли од року 1908 выдавав и рочный календарь Пріятель селянъ. Выдав Букварь (1898, в тогдышном духу язычием), котрый выдержав четыри выданя (до 1910). Умер в Будапештѣ.
Быв автором многых статей на темы истории, културы, етнографии, фолклора и сполоченского живота Русинов. Первы записы народных спѣванок од М. Врабеля появили ся в журналѣ Листокъ Евгена Фенцика (1887 №8, 1888 №3). В фаховом журналѣ Ethnographia, котрый зачав выходити року 1890 (по мадярскы), подав статью о вечорницях, свадьбах у бачванскых Русинов и записы их спѣванок (1891, №2 ), народны переказы за короля Матяша (1893, №4).
Фолклорна зберька Русскій соловей была первов книжков в истории бачванскых Русинох, выданов их властнов бесѣдов.[1] Року 2014 коштом добродѣйкы панѣ Наталии Гаттас (ЗША) в Ужгородѣ перевыданы обѣ тоты зберькы еднов книжков.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.