From Wikipedia, the free encyclopedia
Валенти́н Петро́вич Ката́ев, *28. януар (16.01 Юл.кал.) 1897, Одесса, Российска империя — †12. апрѣль 1986, Москва, СССР — русскый совѣтскый писатель, поет и драматик, новинарь. Главный редактор часописа Юность (1955—1961), Герой социалистичной праци (1974).[1][2]
|
Валентин Катаев | |
|---|---|
| Валенти́н Ката́ев | |
| Valentin Kataev.jpg | |
 | |
| Уроджѣня | януара 28., 1897 Одесса, Российска империя |
| Умертя | апріля 12., 1986 (89 р.) Москва, СССР |
| Погреб | Новодівичий цвинтар |
| Псевдоним | В. К-въ, Вал. К., Валентин К., Валентин Петрович, Старик Саббакин, Оливер Твист, Митрофан Горчица |
| Занятя | писатель, драматик |
| Язык творох | російскый |
| Горожанство | Російска імперія, СССР |
| Партія | |
| Час творбы | 1910–1985 |
| Жанры | повість, приповідка, роман, п'єса, повіданя, нарис, публіцістіка |
| Тренд | соцреализм |
| Брат, сестра | Євген Петров |
| Дѣти | Павло Катаєв |
| Одзнакы | |
| Герой Социалистичной Праци | |
| VIAF:29535927; GND:118560522; LCCN:n50044643; FAST:1434984; BNF:119094782; NLKR/NLC:jn19990210319; OL:OL1954043A; ЕСУ:10325;
| |
Походив з мѣшаной русско-украинской родины. Отець, Петр Васильович Катаев — професор одесского епархиалного училища, што быв зо священицкого роду з Вяткы (дн. Киров), и мати, Евгения Ивановна Бачей, — дѣвка генерала, дробного статкаря з Полтавщины, добрѣ знали русску и украинску литературы и полюбляли собѣ домашне читаня наголос. То была зачаточна литературна школа будучого писателя.[1][2]
В року 1915, не закончивши гимназию, одышов добровольцьом на фронты Первой свѣтовой войны, быв двараз раненый, отравленый газами; выникав своев храбростьов, быв наградженый двомя Георгиевскыма крестами; достав шаржу прапорчика.[2] В року 1919 мобилизованый до Червеной армады, неодовго посланый на пропагачну роботу, провадив Окна сатиры ЮгРОСТА. В року 1921 быв на подобной роботѣ в ЮгРОСТА Харьков, а од року 1922 в Москвѣ, де быв зодповѣдным секретарьом журнала Новый мир и публиковав свои фельетоны в новинках Гудок, Труд, Крокодил, Чудак, Смехач идр. В рокы Другой свѣтовой войны быв военным репортером новинок Правда и Красная звезда. Як шефредактор часописа Юность (1955–1962) приспѣв ку великой популарности того выданя, в котром выростла цѣла плеяда молодых авторох добы «помягку»; не раз быв выбраный членом управы Сполку писательох СССР. Лавреат Державной премии СССР (1946) за повѣсть Сын полка (1945), Носитель трьох орденох Ленина, иншых одзнак СССР.[1]
Перва публикация — верш Осень — в новинцѣ Одесский вѣстникъ (1910, 18. децембра). Вершы писав цѣлый живот и поважовав себе передовшиткым поетом. Его проза обсягуе в собѣ моцный лиричный заклад. Быв в литературѣ на чудо довго — 75 рокы. Створив многогранный, полифоничный и стереоскопичный портрет свого часу, котрый загорнув двѣ свѣтовы войны, три револуции и перемѣны умѣлецкого думаня. Интензивности катаевского фаребного и звукового свѣта в немалой мѣрѣ приспѣла бесѣда его родного города, де украинска мова, майже каждоденна в родинѣ Катаева, змѣшана з идишом и словками з иншых ту затриманых языкох, перетопила ся на своефайтовый «язык Одессы».[2]
В часѣ роботы в Харьковѣ переклав про русскоязычну антологию украинской поезии Лесю Украинку и Павла Тычину. На украинском материалѣ написав повѣсть Я, сын трудового народа (1937) о Украинѣ в року 1918 под нѣмецков интервенциов, на сюжет котрой С. Прокофьев створив оперу Семен Котко (1939). Тонко одчував атмосферу добы и реаговав на ню. Коли быв роскритикованый за неправилне указаня роли партии в романѣ За власть советов (1949), переписав цѣлый роман и выпустив под новов назвов Катакомбы (1951). В роках 1960–1970-х одкрыв новы стороны свого таланту в циклѣ мемуарних повѣстей, де в осторожной формѣ уже вецей годен быв повѣсти о пережитом. Повѣсть Уже написан Вертер (1979), опубликована в часописѣ Новый мир (1980, № 6) о страхотах червеного терору в Одессѣ в року 1920, была замовчована совѣтсков критиков до року 1989, еще рокы по смерти автора.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
