Комунистична партия Совѣтского Союзу,[2] куртанка КПСС — владнуча комунистична партия в Союзѣ Совѣтскых Социалистичных Републик.[1]
- Взник и назвы
- Комунистична партия Совѣтского Союзу взникла и екзистовала спочатку яко болшевицке крыло Российской социал-демократичной робочой партии — РСДРП(б), ведене В. И. Ленином, котре хотѣло быти организациев твердо дисциплинованых фаховых револуционарьох, закладеной на демократичном централизмѣ и маючых за цѣль диктатуру пролетариата. В року 1918, формално одокремивши ся и ставши ся владнучов партиев в России взяли назву Российска комунистична партия (болшевикы), курто РКП(б), а в року 1925, по створѣню Союза Совѣтскых Социалистичных Републик, нова назва была Всесоюзна комунистична партия (болшевикы), курто ВКП(б), наконець в року 1952 остаточно — Комунистична партия Совѣтского Союзу (КПСС).[3]
- Политика
- Комунистична партия была едина дозволена законом партия и мала во своих руках вшитко урядованя в державѣ. Вонкашнов политиков было подпорованя комунистичных организаций в розличных сторонах свѣта. По року 1980 формално функции партии и влады были роздѣлены, але в реалности партия контроловала владу тым способом, же вшиткы члены влады были тыж членами партии и мусѣли ся подрядити так званой «генералной линии партии». Монополна позиция партии закончила ся в року 1990, коли Михаил Горбачов политиков реформованя партии и державы («перестройка») дозволив екзистованя опозиции. Тото привело до ерозии монолитности в партии, дозволило перебѣженцям, як Борис Йельцин, достати ся ку владѣ в републиках. Наперек тому, партия зоставала твердов барьеров Горбачововым пробам обернути економику ку вольному торгу. В августѣ 1991 антиреформны конзерваторы пробовали учинити пуч, котрого неудача дискредитовала партию и привела до ей скорого упадку: были арештованы ей активы, однята можность контролы над владов, службами беспекы и войском.[3]
- Штруктура и статутны нормы
- Членом партии мож было стати ся од 18 рокы, но лем через комсомол, перед тым требало быти в статусѣ кандидата, котрый часто мав выконати розличны заданя партии и наперек своей воли. Штруктура партии была териториално-выробна. КПСС складовала ся з 14 републиковых владнучых партий (окрем РСФСР, де така не была) з централныма комитетами, обкомами (або крайкомами), горкомами, де функционеры именовав высшый орган. Выробну часть складовали мѣстны организации в каждой выробной единцѣ, де секретаря организации выберали члены партии.
- Заник
- Два указы в августѣ и наконець Указ №169 Президента РСФСР Бориса Йельцина з дня 6. новембра 1991 поклали вину за организацию державного переворота на КПСС и закончили чинность партии,[4] але Конштитучный Суд в року 1992 означив, же в СССР «пановав режим неограниченной, опертой на насилство влады узкой групы комунистичных функционерох, ... котры поступовали переважно в тайнѣ од рядовых членох КПСС» и вызнав организатором переворота лем малу групу з ведучых штруктур партии.[5] Выходячи з того вызнаный неконштитучным роспуск мѣстных организаций партии. Але понеже на тот час СССР уже ся роспав, екзистенция КПСС утратила смысел.
| Комунистична партия Совѣтского Союзу | |
 Емблема организации | |
| Куртанка | КПСС |
|---|---|
| Гесло | Пролетарѣ вшиткых крайох, спойте ся! |
| Взник | 30. юл 1903 яко РСДРП(б) |
| Заник | 6. новембер 1991 |
| Тип | политична |
| Правна форма | партия |
| Замѣр | владна, марксистично-ленинска |
| Сѣдлиско | СССР Москва |
| Члены | 19,3 млн. особ (1987)[1] |
| Титул лидера | Генералный (первый) секретарь ЦК |
| Первый лидер | В. И. Ленин |
| Послѣдный лидер | М. С. Горбачов |
| Главный орган | Централный Комитет |
| Асоциация | Коминтерн |
| Старша назва |
РКП(б) (1918), ВКП(б) (1925) КПСС (1952) |
Жерела и одказы
- Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8 Том 2. ISBN 5-88500-002-6 Том 3. ISBN 5-88500-007-7 русс.
- Communist Party of the Soviet Union. Encyclopaedia Britannica (online). https://www.britannica.com/topic/Communist-Party-of-the-Soviet-Union. [перевірено 2020-04-03]. англ.
Референции
Wikiwand - on
Seamless Wikipedia browsing. On steroids.