From Wikipedia, the free encyclopedia
Locus perennis лат. — фиксна точка, закладна точка геодезичной нивелачной сѣти в даколишной Австро-Мадярщинѣ.
.jpg)
В року 1873 Австро-Мадярщина зачала будовати властну геодезичну сѣть, котра была базована на нуловом уровни Ядранского моря в Фиуме (Триестѣ), а найвысшу точку мала на просмыку Niedere Tauern (1734 м н.м.) в Алпах.[1]
При будованю геодезичной сѣти было рѣшено поставити сѣм фиксных точок (Locus perennis). Тоты точкы были выбраны на основѣ геологичных суджѣнь в такых мѣстах, де не были чеканы ниякы геологичны змѣны. Закладны точкы были зафиксованы на непорушных скалных масивах а над нима поставлены охранны обелискы з трьох части. Интересным фактом е, же на територии днешньой Австрии (в границях по року 1918) не была жадна закладна точка.
| Рок ставбы | Мѣсто и днешный штат | Надморска вышка, м н.м. |
|---|---|---|
| 1878 | Ruše (Словѣния) | 295,5644 |
| 1887 | Pasul Turnu Roșu (Румыния) | 360,0558 |
| 1887 | Требуша (нынѣ Круглый, Украина) | 367,6820 |
| 1888 | Strečno (Словакия) | 371,0933 |
| 1888 | Nadap (Мадярщина) | 173,6901 |
| 1890 | Lišov (Чехия) | 565,2065 |
| 1890 | Fortezza (Италия) | 736,4520 |
По розпадѣ Австро-Мадярщины закладны точкы ей геодезичной сѣти стратили вызнам и стали ся памятниками истории геодезии. В Чехии и Украинѣ нефаховцѣ зачали ширити выгадку, же тоты знакы указують точку центра Европы. Еднак звучать и трезвы голосы.
| „ | Ци знаете, де лежить фиксна точка вашой краины, в латинѣ звана Locus Perennis? Тото едно з найважнѣйшых мѣст истории техникы, ...познате як фиксна точка, або Locus Perennis, было в минулости нефаховцями хыбно поважоване за центер Европы. | ” | |
| |||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
