From Wikipedia, the free encyclopedia
Йи́ржи Га́нзелка, чеш. Jiří Hanzelka; *24. децембер 1920, Штрамберк, Чехословакия — †15. фебруар 2003, Прага, Чехия — чешскый путователь, писатель, новинарь, сценариста и филмарь.
|
Йиржи Ганзелка | |
|---|---|
| Jiri Hanzelka (1920 2003).jpg | |
.png) | |
| Ганзелка (злѣва) а Зикмунд, 1956, над планом далшой выправы | |
| Уроджѣня | Jiří Hanzelka децембра 24., 1920 Штрамберк, Чехословакия |
| Умертя | фебруара 15., 2003 (82 р.) Прага, Чехословакия |
| Погреб | Доманин |
| Псевдоним | H+Z, Z+H |
| Занятя | писатель вандровник, филмарь, фотограф, новинарь |
| Язык творох | Чеськый |
| Горожанство | Чесько, Чеськословеньско |
| Партія | |
| Жанры | вандровны попискы литература факту филмовы сценарии |
| Партнер(ы) | Мирослав Зикмунд |
| Одзнакы | |
| Награда Егона Ерв. Киша, 1993 Медалия За заслугы, 1999 Награда Мин. екологии, 2000 Artis Bohemiae Amicis, 2002 | |
| |
| VIAF:71466298; GND:129813680; LCCN:nb2006017625; FAST:1729741; BNF:12352592b; NLKR/NLC:jk01033530; OL:OL846867A;
| |
Отець быв роботник и шофер. Йиржи Ганзелка в Празѣ абсолвовав торговелну академию (матуровав в року 1938) и зачав штудии на Высокой школѣ торговлѣ, де ся спознав з Мирославом Зикмундом. Понеже под нѣмецков окупациов высокы школы были закрыты, зыскав фахову освѣту земледѣлску (1941) и працовав яко земледѣлскый роботник, а пак урядник в Кооперативѣ Прага (1942–1945). Жадану высокошколску диплому и титулу инженера зыскав по войнѣ в року 1946. В роках 1947–1950 путовав з Мирославом Зикмундом Африков и Латинсков Америков, а в роках 1959–1964 Азиев и Океаниев. В роках 1968–1969 працовав яко торговелный аташе чехословацкой амбасады в Штокголмѣ, але понеже заняв критичну позицию односно окупации Чехословакии в добѣ нормализации стратив пост и в роках 1979–1982 працовав яко заградник в Семинарской заградѣ в Празѣ, пак похворѣв ся и одышов на инвалидну пензию. Од року 1990 быв економичным радником на Предсѣдництвѣ влады Чехословакии, в року 1990 одышов на пензию. Останок живота терпѣв на здоровелны проблемы.[1]
З малов выимков вшытка творба Ганзелкы е практично и правно сполуавторством з Мирославом Зикмундом, и была тота авторска пара означована критиков и читателями куртанков H+Z або Z+H. Их репортажѣ зыскали во своей добѣ небывалу популарность. Музей юговосточной Моравы во Злинѣ в року 1977 достав од сполуавторох цѣлый их архив, котрый официално презентованый под значков Archiv H+Z.[1]
В штатистицѣ того музея зазначено, же перевандровали 107 держав, написали о том 18 книг, котры мали 143 выданя в 11 языках, а тыж вытворили 147 репортажных и 4 повнометражны филмы.[2]
В року 1993 Ганзелка и Зикмунд зыскали за цѣложивотну творбу Награду Егона Ервина Киша, котра ся признавать за литературу факту; в року 1999 Медалию За заслугы II. ступня; в року 2000 Награду Министра екологии; в року 2002 Artis Bohemiae Amicis (Приятелям чешского умѣлства).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
