From Wikipedia, the free encyclopedia
Мирослав Зикмунд — чешскый писатель вандровник, филмарь, фотограф, новинарь.
|
Мирослав Зикмунд | |
|---|---|
| Miroslav Zikmund, Zlín (2) (cropped).jpg, Miroslav Zikmund 2017-2018 3.10.png | |
_(cropped).jpg) | |
| В року 2009 в Злинѣ | |
| Уроджѣня | Miroslav Zikmund фебруара 14., 1919 Плзень, Чехословакия |
| Умертя | децембра 1., 2021 (102 р.) Прага, Чехия |
| Псевдоним | H+Z, Z+H |
| Занятя | писатель вандровник, филмарь, фотограф, новинарь |
| Горожанство | Чеськословеньско, Чесько |
| Жанры | вандровны попискы литература факту филмовы сценарии |
| Партнер(ы) | Йиржи Ганзелка |
| Одзнакы | |
| Награда Егона Ерв. Киша, 1993 Медалия За заслугы, 1999 Награда Мин. екологии, 2000 Artis Bohemiae Amicis, 2002 Орден Т. Г. Масарика, 2014 | |
| |
| VIAF:118550453; GND:119552043; LCCN:n87897528; FAST:203015; BNF:12352593p; NLKR/NLC:jk01152634; GKG:/g/1233fcw2;
| |
_in_NTM_Prague_01.jpg)
Родив ся 14. фебруара 1919 в Плзню, Чехословакия. Отець му быв машиниста локомотивы, а мати домогаздыня. Од матери научив ся систематичности и терпезливости, котры му пак придали ся в его путованях по свѣтѣ.[1] Первой своей вандровкы подъяв ся уже яко 16-рочный, коли зоз рок молодшым братом походив Подкарпатску Русь.[2] В року 1938 абсолвовав реалну гимназию в Плзню и зачав ся учити на Высокой школѣ торговли в Празѣ де ся спознав з Йиржим Ганзелком. Обое выбрали фах заграничной торговлѣ, котрый давав перспективу путовати по свѣтѣ. Але под нѣмецков окупациев вшиткы высокы школы были закрыты и закончити штудии годен быв аж в року 1946. По штудиях обое пошли працовати до автомобилкы Tatra, а удало ся им наговорити дирекцию, жебы им дали авто, а будуть путовати по свѣтѣ и робити рекламу.[1]
В роках 1947–1950 перешли з автом Tatra 87 Африку, а пак Южну Америку. Путованя было успѣшне, чехословацке радио одвысылало з него над 700 репортажи, нафотографовали и накрутили филмы, написали даколько книг.
Уже з репутациев славной двойкы вандровникох достали два авта Tatra 805, а тыж поповнѣня екипы инженером-конштруктером (О. Халупа) и медиком (Р. Вит) и по круглых 12 роках, 22. апрѣля 1959 побрали ся в путованя по Азии, через Близкый Восток, Индию, Цейлон, Японию, а вернули ся 11. новембра 1964, перейшовши СССР од Находкы до Чопа через векшину совѣтскых републик. Найсѣвернѣйша точка их пути быв порт Тикси на Сѣверном ледовом океанѣ.[3]
Их репортаж з Японии указав, же много што з техникы и организации там фунгуе лѣпше неж в Чехословакии, а то было барз тяжко, але мусай вызнати комунистичной владѣ. При путованю через СССР их славностно стрѣтили в Находцѣ и зробили им пышну гостину, а чекали од них, же тота «показуха» буде основов их репортажи, де опишуть высокый благобыт в СССР. Але они зафиксовали правду, в том и факт, же в яри и в осени их авта мусѣли путовати желѣзницьов, бо дорогы были непроѣздны. Зикмунд и Ганзелка трафили в немилость од самого Леонида Брежнева, а одтеперь не могли объявляти свои репортажи и книгы. Перемѣна настала аж по року 1989 и пак годны были в 1990-х роках путовати по Австралии и Новому Зеланду.[3]
Мирослав Зикмунд жив в Злинѣ, а е там и музей Ганзелкы и Зикмунда. В штатистицѣ того музея зазначено, же перевандровали 107 держав, написали о том 18 книг, котры мали 143 выданя в 11 языках, а тыж вытворили 147 репортажных и 4 повнометражны филмы.[3]
О сторочу Мирослава Зикмунда режисер Петр Горки накрутив повнометражный филм. В том филму природно поставать звѣданя якый быв тогочасный свѣт в поровнаню з днешным.
| „ | Мы застали еще колониалну Африку. Але тогды там быв спокой и мир, не так як днесь. Ку слову, тоту нашу трасу днесь никто не може повторити. В Алжирѣ рѣжуть головы, в Сомали и Южном Суданѣ точать ся войны. | ” | |
| |||
Ку 100-рочу уродин Мирослава Зикмунда Чехословацка пошта выпустила памятну поштову знамку на честь двойкы вандровникох Ганзелка и Зикмунд.[4]
Мирослав Зикмунд умер в пражской болници 1. децембра 2021 на 103. року свого живота.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
