From Wikipedia, the free encyclopedia
Алкалоиды, од лат. alkali алкалия, луг + дгр. εἶδος вид, вызир — органичны алкалии, обсягуючы азот, природного (переважно ростлинного) походжѣня.[1] Окрем атомох С, Н и N молекулы алкалоидох можуть обсяговати атомы S, зрѣдка Сl або Вг.[2]
Традично алкалоиды называють од вида або рода алкалоидоносной ростлины з додаваньом суфикса -ин, напримѣр, атропин (выбраный з ростлины Atropa belladonna), стрихнин (зоз Strychnos nux Vomica).[2]
Алкалоиды класификують тыж по филогенетичному принципу, збераючи в едну групу вшиткы злученины, выбраны з ростлин едного рода. Напримѣр: алкалоиды дафнифилума, алкалоиды ипекакуаны, алкалоиды ликоподиума. Але найвеце росширена класификация, основана на штруктурѣ карбоно-азотного скелета молекулы, напримѣр, изохинолиновы, пептидны, пиридиновы, пуриновы, хиназолиновы, хинолиновые алкалоиды.[2]
Познають около 10 000 алкалоидох, выокремленых з ростлин. Алкалоиды чинять физиологичне оддѣйованя на организм звѣрят и люди, переважно на нервову систему, зашто суть поуживаны в медицинѣ (кофеин, морфин, ефедрин и др.) и в земледѣлствѣ (як ѣды на шкодникы). Биологична роль алкалоидох в ростлинах остаточно неясна. Може то быти самоохрана ростлин од пожертя звѣрятами, або форма засобованя органичным азотом.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.