From Wikipedia, the free encyclopedia
Органичны злученины суть хемично чисты материалы, котры ся складують з молекул едного типа, котры все обсягують карбон. Занимать ся нима шпециалный роздѣл хемии — органична хемия.[1]
Органичны злученины подля штруктуры карбонового скелета молекулы дѣлять ся на ацикличны и цикличны.[1]
— гидрокарбоны з отвореным ланцом атомох (алифатичны). Они ся еще дѣлять на насычены и ненасычены. Насычены суть гидрокарбоны, де атомы карбона вязаны меджи собов и з атомами гидрогена простыма (еднистыма) вязбами (алканы) з общов формулов CnH2n+2. Ненасычены суть гидрокарбоны олефины з общов формулов CnH2n, што обсягують двоиту (олефинову) вязбу; дале ацетиленовы — троиту, диеновы — двѣ двоиты (олефиновы) вязбы з общов формулов CnH2n-2 и так дале.
— злученины зо замкненым (перстеньовым, або цикличным) ланцом атомох. Они ся еще дѣлять на изоцикличны и гетероцикличны.
Гидрокарбоны утворюють гомологичны ряды, в якых каждый далшый член од попередного одличуе ся на групу СН2 (гомологичный роздѣл). Кедь в гомологичном рядѣ еден або даколько атомы гидрогена будуть вымѣнены функционалныма групами: X (хотьякый галоген), ОН, NН2, NO2, СООН и т. д., одповѣдно утворять ся гомологичны ряды галогендериватох RХ, алкоголох ROH, аминох RNH2, нитрозлученин RNO2, квасох RCOOH и т. д., де R — радикал (CnH2n+2, CnH2n, CnH2n-2 и т. д.).
В терминологии органичных злученин поуживать ся троякы назвы:[1]
Назвы подля IUPAC[2] суть часто довгы, непрактичны в хоснованю, зато продовжують жити и стары системы, але назвы IUPAC суть повинно поуживаны в научной и техничной литературѣ на точне означѣня злученины. Напримѣр, обычайный цукор каждый хемик назве тривиалнов назвов сахароза, а не его IUPAC назвов алфа-D-глукопиранозил-бета-D-фруктофуранозид.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.