From Wikipedia, the free encyclopedia
Нервова сістема (лат.: Systema nervosum) служыть на захоплїня і справованя імпулзів якы пособлять на орґанізм і забеспечіня одповідной реакції на них. Забеспечує нервове керованя, котре є скорїше як гормоналне, та є вгоднїше на переношаня інформацій, котры потребують швыдку коордіновану реакцію.
Нервова сістема є досправды вывинута лем у многобуньковых быдлах, єднобуньковы не мають нервову сістему, наперек тому суть многы з них способны до даякой міры реаґовати на вонкашнї імпулзы.
У грибів (Porifera) є нервова сістема в подобі міопітгеіаллной сітькы, котра переношать імпулз з бункы на бунку. Гевся сітька є на основі новодобого дослїджованя дуже подобна кондукуючой сітьцї Cnidaria. В обох припадах то є діфузна сістема.
Права нервова сістема, притомна в даякій формі у вшыткых іншых тіпах быдел є творена сїтьков шпеціалізованых нервовых бунок – невронів. Імпулзы суть приїманы рецепторами в змысловых орґанах (екзтерорецепторы) або у внутрїшнїх орґанах і тканинах (пропріорецепторы) та невроны забеспечать перенос імпулзу до ефектору, выконного орґану, якым є або свал або жляза.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.