From Wikipedia, the free encyclopedia
Vinadi (tudestg Weinberg (bei Finstermünz)[1]) è in dals lieus pli orientals dal chantun Grischun en Svizra. El fa part da la fracziun Martina da la vischnanca da Valsot en l'Engiadina Bassa.
Il num rumantsch Vinadi è ina translaziun recenta dal tudestg Weinberg. Il num Weinberg na deriva dentant betg da la viticultura anteriura u actuala, mabain igl è ina midada d'etimologia populara da wimberg, che da sia vart va enavos ad in wimi aut tudestg vegl cun la muntada «funtauna».[2]
Vinadi consista da be trais chasas: in ustaria, in'anteriura chasa da duana, en la quala i vegn abità ozendi, ed ina chasina pitschna che serva da magasin per l'ustaria.
Vinadi è situà vid la via che maina da Tschlin per Martina en direcziun dal Tirol en l'Austria.
A Vinadi sa chatta il spartavias da la via da Samignun che maina exclusivamain sin funs svizzer al territori deliberà da la duana a Samignun. Vinadi sa chatta ca. 6 km davent da Martina e medemamain var 6 km davent da Fuond (Pfunds) en l'Austria.
Il 1997 han ins chattà en ina spunda stippa 300–400 m al nord da Vinadi ina spada da fier che datescha dal temp medieval classic fin tardiv. La spada porta l'inscripziun +NRFNIATEDNIATEDIATEDI+. Fin ussa n'è betg cler tge che quest'inscripziun vul dir, ma tenor la cumparaziun cun autras inscripziuns sin spadas dal medem temp la pon ins interpretar sco furmla magica.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.