کردستان لہندے ایشیاء دے اک جغرافیائی تے ثقافتی خطے دا ناں اے ، جس چ کرد نسل دے لوکاں دی اکثریت اے ۔ کردستان چ شمالی تے شمال مغربی بین النہرین نال ملحقہ علاقے شامل نیں ۔ کردستان دے علاقے شام ، عراق ،ایران تے ترکی چ ونڈے ہوئے نیں ۔ کردستان دے 99 فیصد لوک مسلمان نیں تے اسلام نال اینہاں دی وابستگی بہت گہری اے ۔ صلاح الدین ایوبی وی کرد سن ۔
![Thumb](http://upload.wikimedia.org/wikipedia/commons/thumb/3/35/Flag_of_Kurdistan.svg/640px-Flag_of_Kurdistan.svg.png)
![Thumb](http://upload.wikimedia.org/wikipedia/commons/thumb/6/6d/Near_East_ancient_map.jpg/320px-Near_East_ancient_map.jpg)
18ویں صدی چ کرد لوکاں دا ایہہ علاقہ ایران دی صفوی سلطنت تے سلطنت عثمانیہ وچکار ونڈئیا گئیا ۔ کردستان کدی وی تریخ چ اک علیحدہ دیس دے طور تے نہیں رہئیا ۔ وجہ ایہہ کہ ماضی چ ایہہ سارا علاقہ اک ای خطے چ شمار ہندا سی ۔ پہلی جنگ عظیم توں پہلاں زیادہ تر کرد باشندے سلطنت عثمانیہ دے صوبہ کردستان دے رہائشی سن ۔ جنگ عظیم چ شکست تے سلطنت دے خاتمے دے بعد اتحادی فوجاں نے سرحداں تشکیل دیندے ہوئے مختلف دیس بنان دا پروگرام بنا لئیا تے معاہدہ سیورے دے تحت اس چ کردستان وی شامل سی ۔ مصطفی کمال اتاترک ولوں اینہاں علاقےآں دی دوبارہ فتح دے مگروں معاہدہ لوزان طے پائیا ، جس دے تحت موجودہ ترکی دیاں سرحداں متعین کیتیاں گئیاں تے کرد لوکاں دی اپنی حکومت دا خاب چکنا چور ہوگئیا ، تے دوجے کرد اکثریتی علاقے برطانیہ تے فرانس دے مل ہیٹھ عراق تے شام چ شامل ہو گئے ۔
جنگ عظیم اول توں ہن تک کردستان 4 ملکاں چ تقسیم اے جنہاں چ عراق ، ترکی ، ایران تے شام شامل نیں ۔
![Thumb](http://upload.wikimedia.org/wikipedia/commons/thumb/d/d2/KurdistanForest.jpg/200px-KurdistanForest.jpg)
انسائیکلوپیڈیا برٹانیکا دے مطابق کردستان دا کل رقبا 74 ہزار مربع میل (1،91،660 مربع کلومیٹر ) اے تے اسدے اہم شہر دیاربکر تے وان (ترکی) ، موصل ، اردبیل تے کرکوک (عراق) تے کرمان شاہ (ایران) نیں ۔ انسائیکلوپیڈیا آف اسلام دے مطابق کردستان دا وقبہ ترکی چ 1،90،000 ، ایران وچ 1،25،000 ، عراق چ 65،000 تے شام چ 12،000 مربع کلومیٹر اے ، اینج کردستان دا کل رقبہ 3،92،000 مربع کلومیٹر بندا اے ۔ اک اندازے دے مطابق اس علاقے چ 4 کروڑ کرد باشندے آباد نیں ۔
کوہ جودی تے کوہ ارارات ایتھے دے اہم پہاڑ تے دریاۓ دجلہ تے دریاۓ فرات اہم دریا نیں ۔
کرد علاقے دیاں جھیلاں چ ترکی چجھیل وان ، تے ایران وچ جھیل ارمیہ مشہور نیں ۔
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.