Spechbach
From Wikipedia, the free encyclopedia
Schbeeschbach isch e Gmainde in de Kurpalz im haidige Bade-Wirddeberg un ghörd zum Rhoi-Negger-Krais.
| Wappe | Daitschlandkard | |
|---|---|---|
 |
| |
| Basisdate | ||
| Bunnesland: | Bade-Wirttebärch | |
| Regierungsbezirk: | Kalsruh | |
| Landkrääs: | Rhein-Neckar-Kreis | |
| Heche: | 197 m ü. NHN | |
| Fleche: | 8,52 km² | |
| Aiwohner: | 1785 (31. Dez 2016)[1] | |
| Bevelkerungsdicht: | 210 Eiwohner je km² | |
| Boschtläätzahl: | 74937 | |
| Voawahl: | 06226 | |
| Kfz-Kennzääche: | HD | |
| Gmäändschlüssel: | 08 2 26 086 | |
| Adress vun de Gmäändvawaltung: |
Hauptstraße 35 74937 Spechbach | |
| Websait: | ||
| Birchamääschta: | Guntram Zimmermann | |
| Laach vun de Gmoed Schbeeschbach im Landkreis | ||
 | ||
Schbeeschbach isch ungfähr 21 km sideschdlich von Heidlberg. S Dorf ligd an de Grenze zwischem Kraichgau un em Kloine Odewald im Schbeeschbachdal. Die Gemarkung umfassd 8,52 km², die zwische 160 un 330 Meda iwwam Meer ligge. 36,9 % sinn von Wald bewachse, 51,3 % landwirdschafdlich genutzt und 11,1 % sinn Siedlungsfläche un Verkehrsfläche. Zu Schbeeschbach gherd a s Haus Neumühle. Uf de Gemarkung ligd ausserdem die Wüschdung Kloischbeeschbach[2], die im 30-jährige Krieg zerschteerd und nimme ufgebaut worre isch.
Nåchbagmainde von Schbeeschbach sinn Epflbach, Eschlbrunn, Meckse, Lobach un – ohne e gmainsame Gemarkungsgrenz – Naideschdoi.
Die erschd urkundliche Erwähnung von Schbeeschbach isch aus em Johr 1246, wo en Heidlberger Bürger mit em Name Conradus de Spehbach gnannt werd. De Ortsname erschaind 1337 als Spechbach un 1349 als Spehbach. S Dorf hot erschd zum staufische Raichslånd rund um Wimpfe gheerd un isch im Johr 1330 mit de Meckser Zent zu de Kurpfalz komme. D Ortsherrschafd hot efder gwechseld, belegd sinn unner annerem 1325 die Herre von Wainsberg, 1401 de Naideschtoiner Dail von der Herre vo Venninge un aa d Herren von Helmschd, de Landschad von Steinach un anndere Adels-Gschlechder sinn als Grundbsitzer belegd. Beherrschend sinn awwa bis zur Mediatisierung maischd die Venninger gwesst. De ganze Ord war uf grundherrlichem Bode glege un ab 1838 sinn die Venningsche Hausblätz ins Aigetum von de Bauern iwwergange.
Bis ins Johr 1803 hot Schbeeschbach zum kurpälzische Amd Dilschberg gheerd, dann zum badische Amd Neggergmind. Die Grundherre hawwe von 1807 bis 1813 aa noch e eigenes Amd ghabd, s Amd Eichterse. Im Johr 1857 isch s Dorf damm zum badische Amd Ewwerbach komme, 1863 zum Amd Heidlberg un bei de Oifihrung vo de Landgrais 1938 zum Landgrais Heidlberg, der 1973 zum Rhoi-Negger-Krais worre isch.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
