Gmeind in Bade-Wirddebärsch From Wikipedia, the free encyclopedia
Nailosse isch e Gmeind im Norde vun Bade-Wirddebärsch. Neilosse isch 1711 vum Julius Schickard grind wore. Neilosse isch 339 Hektar groß un werd vun de onnere Derfer Altlosse, Hoggene, Reilinge un Wogheisel umgewwe. Grod isch Gunther Hofmann Biachamääschter vun Nailosse.
| Wappe | Daitschlandkard | |
|---|---|---|
 |
| |
| Basisdate | ||
| Bunnesland: | Bade-Wirddeberg | |
| Regierungsbezirk: | Karlsruh | |
| Krääs: | Rhoi-Negga-Greis | |
| Heche: | 105 m ü. NHN | |
| Fleche: | 3,39 km² | |
| Aiwohner: | 7107 (31. Dez 2019) | |
| Bevelkerungsdicht: | 2096 Eiwohner je km² | |
| Boschtläätzahl: | 68809 | |
| Voawahl: | 06205 | |
| Kfz-Kennzääche: | HD | |
| Gmäändschlüssel: | 08 2 26 059 | |
| Adress vun de Gmäändvawaltung: |
St. Leoner Straße 5 68809 Neulußheim | |
| Websait: | ||
| Birchamääscht: | Gunther Hoffmann | |
| Laach vun de Gmoed Nailosse im Rhoi-Negga-Greis | ||
 | ||
De Ord isch 1711 uf Oregung vum wirddebärschiche Amdspfleega Julius Schickard an de ostlich Grenz vun Losse (seit 1816: Altlosse) an enere Strosekreitzung grind wore. De dem Schickard am 19. März 1711 vum wirddebärschiche Herzoch Eberhard Ludwig zugdeild Fläch ware 100 Morge. Des erschde Heisl war en Meierhof mit enere Wertschaft.
De Gmarkung isch bei de Grindung dem wirddebärschiche Kloschter Maulbrunn unnerschtanne un war unner de Herrschafd vum Hochschdifd Schbaya, des sich awwer net uf Dauer durchsetze gekennt hot. 1816 isch de alde Nome Lußhofe vum Amd in Neilosse geännerd wore.
1806 isch Neilosse im Dausch vun Wirddebärsch zu Bade kumme. 1821 isch de Gmeinde eigestännisch wore, hot sich awwer noch lang mit Altlosse um de gnau Grenz schdritte. 1830sin se dann onisch wore. Am End vum 19. Jahrhunnerd hot Neilosse viel Duwwakfabrigge kat un en Bohhof kriegt.
In de badisch Verwaldung war Neilosse long in Deil vum Amd Schwetzinge. Des isch 1924 ufglöst wore un hot dann zum Greis Monnem kert.
1952 isch de Gmeind in Deil vum neie Bade-Wirddebärsch wore. Bei de Gmeind- un Greisreform vunn 1970 isch de Ord zum Rhoi-Negga-Greis kumme un isch mit de Gmeind Hoggene, Altlosse un Reilinge e Gmeinschaft eigange.
Va de groß Verkehrsendlaschdung sin de B 36 un de B 39, welle sich frier im Ord gekreizt hen, aussem Ord glegt wore. 1986 hot Neilosse sei 275-jährischs Jubiläum gfeiert.
Neilosse hot 7107 Eiwuhner. Als Neilosse gegrind worre isch hots domols faschd 300 Eiwuhner kat. Am end vum 18. Jahrhunnert hot Neilosse schunn mehna Eiwuhner kat wie Altlosse. Nachem Zwädde Weltkriech hot Neilosse 400 Flichdling ufgnomme.
| Jahr | 1777 | 1818 | 1834 | 1852 | 1905 | 1925 | 1950 | 1957 | 1985 | 2005 | 2019 |
|---|---|---|---|---|---|---|---|---|---|---|---|
| Einwohner[1] | 405 | 490 | 662 | 1008 | 1811 | 2723 | 3661 | 4522 | 5500 | 6500 | 7107 |
Vorm Zwädde Weltkriech hen en Neilosse faschd nur Evangelische glebt. 1804 ware en Neilosse 98% vun de Mensche evangelisch. 1925 ware mit 92% immer noch de meischde evangelisch. Nachem Zwädde Weltkriech sin dann viel kadolische Flichdling aussem Oschde kumme. 1967 ware 25% vun de Leit Kadoligge. Heit gits in Neilosse a viel Kadolische.
De Gmeinderot hot 18 Sitz un werd va finf Johr vun de Leit gwähld. Dezu kummd de Biachamääschter als Gmeinderotsvorsitzender. Noch de Wahl vun 2019 isch di Verdeilung so:
Bei de Wahl hen 60,5% vun de Leit gwähld.
De Biachamääschter werd in derekter Wahl va acht Johr gwähld.
Biachamäächter seid em End vum Zwädde Weltkriech sin:
Im Dachgschoss vun de alde Schul isch e Turmuhremuseum, des Uhre vun drei Jahrhunnerde zeischd. Im alde Bohhof isch e Heimadmuseum. Sunschd sin im alde Bohhof noch als e paar Ausschdelunge vun Kinschdler.
In Neilosse gits e Gmeindebicherei un e Grund- un Haupdschul mit enere Werksrealschul, sowie e frei christlich Schul mit Grund- und Realschul. Va die klene Eiwuhner gits en kommunale, en evangelische un en remisch-kadolische Kinnergarde.
Neilosse hot e Haldschdell an de Boh vun Karlsruh nach Monnem. Sunschd fahre noch Busse vun Haidlbärsch nach Schbaya un vun Altlosse nach Walldorf un seid neischdem a vum Bohhof nach Malsch. Neilosse ghert zum Verkehrsverbund Rhoi-Negga. Es git derekte Verbinnungen iwwer de B 36 (Karlsruh - Monnem) un de B 39 (Monnem - Lahr). Im Norde verläfd a noch de A 61 un im Oschde die A 6.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
