From Wikipedia, the free encyclopedia
Wald-Mischlbach odder Wamiba is vun da Fläsch her di gräscht Gemeinde vum Kreis Bergschdrooß in Hesse.
Wappe | Daitschlandkard | |
---|---|---|
![]() |
| |
Basisdate | ||
Dialekt: | Rhoifränggisch | |
Hääptvariant: | Pälzisch | |
Rechionalvariant: | Kurpälzisch | |
Lokalvariant: | Iwwerwälderisch | |
Bunnesland: | Hesse | |
Regierungsbezirk: | Damschdadt | |
Krääs: | Krais Bergschdrooß | |
Heche: | 343 m ü. NHN | |
Fleche: | 74,4 km² | |
Aiwohner: | 10.735 (31.12.2020) | |
Bevelkerungsdicht: | 144 Eiwohner je km² | |
Boschtläätzahl: | 69483 | |
Voawahl: | 06207 | |
Kfz-Kennzääche: | HP | |
Gmäändschlüssel: | 06 4 31 021 | |
LOCODE: | DE WMI | |
Adress vun de Gmäändvawaltung: |
In der Gass 17 69483 Wald-Michelbach | |
Websait: | ||
Berjameischder: | Sascha Weber (SPD) | |
Lag vun da Gemeinde Wald-Mischlbach im Kreis Bergschdrooß | ||
![]() |
Wamiba liggt im Iwwerwald, des is en Deil vum siedlische hessische Ourewald.
Zur Gemeinde Wald-Mischlbach ghere noch 9 weidere Orde (siehe Tabell). Um de Kernort Wamiba selwer rum ligge di folgnde Weiler: Owwer-Mengelbach, Schdallekånel, Schbeschtbach, Kuhklinge, Seggeråå un Schdrooßburg.
Ort | Lag vum Kernort aus | Oiwuhner[1] |
---|---|---|
Affelboch (Affolderbach) | 3,5 km NO | 1.245 |
Aschbach (mit Därr-Ellebach) | 2 km O | 1.235 |
Gare | 2 km NW | 510 |
Hitred (Hadderod) | 1,5 NNO | 250 |
Kocherbach | 3 km N | 240 |
Kreirisch (Kreidach) | 2 km SW | 490 |
Owwer-Schimmeldewoog | 5 km SSO | 590 |
Sillsbrunn | 3 km SSW | 1.055 |
Unner-Schimmeldewoog | 6 km SSO | 1.180 |
Wald-Mischlbach | Kernort | 4.725 |
Johr | 1970 | 2001 | 2010 | 2015 | 2020 |
---|---|---|---|---|---|
Oiwuhner[2] | 9339 | 11.480 | 11.520 | 10.614 | 10.735 |
(1970 ware di Orde grad noch selbschdännisch)
Da folgende Text bezieht sich numme uf de Ort Wald-Mischlbach selwer. Di annere Orde vun da Gemeinde sin in ihre eigene Adiggel beschriwwe.
Wamiba is 1238 zum erschdemol erwähnt worre, in-are Urkund vum Pabscht Gregor IV., unnerm Nåme Michilnbach. Da Name kummt vun da Bach, wu durschs Dal fließt. Mischel is e aldes Word fä groß.[3] Bei da Zentdeilung 1264 is en Deil vun de Orde, wu heit zu Wamiba ghere kurpälzisch worre, in annerer Deil Kurmäänzisch. Da Ort Wamiba selwer waa kurpälzisch. 1803 is-es an Hesse kumme. 1970 bis 1972 sin nein Derfer zur Gemeinde Waldmischlbach dazukumme.
Johr | 1784 | 1829 | 1939 | 1961 | 1970 | 2010 |
---|---|---|---|---|---|---|
Oiwuhner[4] | 774 | 1694 | 1945 | 3499 | 3995 | 4725 |
Des Iwwerwälder Oihaus is in Nochbau vumne tibische hischdorische Ourewälder Wuhn- un Schdallhaus. Da Iwwerwälder Museums- un Kuldurveroi hot s 2005 in ehreåmdlischer Ärwet gebaut. Dabei sin e Backhaus un Brunne. Imne Lapidarium kenne hischdorische Schdää betracht werre, newa Grenzschdää sin des Schdää vun hischdorische Geräde wie Keldare, Abblquetsche, Mihle un Brinne.
Des Iwwerwälder Heimatmuseum is im Zentrothaus vun 1594 unnergebrocht. Zu sehe sin dort Gejeschdänd ausem Håndwerk un da Låndwertschaft un di gräscht Klederbigglsåmmlung vun Deitschlånd. Weiders gibts e Bergbauabdeilung un e Karrillon-Zimmer, des an de Azt un Heimatdischder erinnert.
Im Johr 2002 hot s Stoewer-Museum uffgemacht mit Oldtimer un Fahrädder, awwer aa Nähmaschine, Schreibmaschine un weiderem aus da Brodukzion vun Stoewer.
S Bsucherbergwerk „Grube Ludwig“ im Wetzel, is vum Iwwerwälder Museums- un Kuldurveroi in mihevoller Ärwet widder hergerischt worre un gibt en Oibligg in de Manganerz-Abbau un in di Bergbaugschischt im Iwwerwald.
Di Museumsdruggerei im Wetzkeil (ehemolischer HEAG-Turm) zeigt di Ärwet vun are Druggerei vum End vum nainzehnde Johrhunnerd bis ins zwånzischde Johrhunnerd.
Am erschde Wocheend im Juli gibts jedesjohr e Heimatfescht. Di Kerwe is immer am zwedde Sunndag im Auguscht.
Des Wabbe vun Wamiba zeigt in gold uf schwazem Grund de Rooschd, uf demm da heilische Laurenzius im Johr 258 in Rõm zu Tod gereeschd worre is. Da Laurenzius is da Schutzheilische vun da Wamibaer kadolische Kärschegemeinde.
Pattnaorde vun Wamiba sin Montmirail im Departement Marne in Frånkreisch un Hassocks in Englånd, wu beide aa unnernånner Pattnaorde sin.
(außerm Adam Karrillon)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.