From Wikipedia, the free encyclopedia
Härschhorn is e klääni Schdadt mit 3.462 Euwohner (2016) im Odewald un im hessische Neggerdal, an da hessische Riviera, wie ma sescht.
| Dialegd: Kurpälzisch |
| Wappe | Daitschlandkard | |
|---|---|---|
_COA.svg) |
| |
| Basisdate | ||
| Dialekt: | Rhoifrängisch | |
| Hääptvariant: | Pälzisch | |
| Rechionalvariant: | Kurpälzisch | |
| Bunnesland: | Hesse | |
| Regierungsbezirk: | Damschtadt | |
| Krääs: | Bergschdrooß | |
| Heche: | 165 m ü. NHN | |
| Fleche: | 30,9 km² | |
| Aiwohner: | 3462 (31. Dez 2016) | |
| Bevelkerungsdicht: | 112 Eiwohner je km² | |
| Boschtläätzahle: | 69434 64757 (U.-Hainbrunn) 69412 (Igelsbach) | |
| Voawahle: | 06272, 06271, 06275 | |
| Kfz-Kennzääche: | HP | |
| Gmäändschlüssel: | 06 4 31 012 | |
| LOCODE: | DE HHN | |
| Stadtgliderig: | 3 Schdadtdeil | |
| Adress vun de Stadtvawaltung: |
Hauptstraße 17 69434 Hirschhorn (Neckar) | |
| Websait: | ||
| Berjermeischder: | Oliver Berthold (badailos) | |
| Laach vun de Stadt Härschhorn (Negga) im Bergschdrooß | ||
_in_HP.svg) | ||
Di alt Schdadtmauer am Negger entlång is gut erhalte. Do schdehe umiddelbar Haiser druff. Owwerhalb vun da Schdadt ligt e Kloschder un e Burg. In da Schdadt sin etlische Fachwerkhaiser erhalde.
Des Dorf Härschhorn werd ugfähr mit der Burggrindung um 1260 entschdanne seu. 1391 hot s di Schdadtreschde erhalde un is vun are Schdadtmauer umgewwe worre. 1556 hot en verherender Schdadtbrånd des so genånnde Hinnerschdädtsche fascht gånz vernischt. 1565 sin Deile vun der Schdadtmauer vun eme Hochwasser mit Eisgång zerschdert worre. Während em Dreißischjährische Krieg is Härschhorn 1632 åns Ersbischtum Määnz gfalle. Di Bevelkerung is verarmt. Di Pescht hot 1635 di Bevelkerung weider dezimiert un fascht ausgelescht. Noch em Weschdfälische Friede 1648 hot ma de Ort mit Lait aus der Palz, Kurmäänz, Kurtrier, Lothringe, Tirol un da Schweiz widder ufgsiedelt. Seit 1803 ghert Härschhorn zu Hesse, seunerzeit zum Großherzogtum Hesse-Damschdadt.
| Johr | 1400 | 1550 | 1600 | 1650 | 1700 | 1800 | 1855 |
|---|---|---|---|---|---|---|---|
| Oiwuhner[1] | 400-500 | 600 | ca. 1000 | ca. 300 | ca. 450 | ca. 1150 | 1796 |
| Johr | 1900 | 1930 | 1939 | 1950 | 1970 | 1972 | 1987 | 2002 | 2010 |
|---|---|---|---|---|---|---|---|---|---|
| Oiwuhner | 1994 | 2300 | 2196 | 3079 | 3571 | 4070 | 3832 | 3947 | 3589 |
1650 mescht sisch da Verluscht duasch de Krieg un di Peschd bemergba. 1972 kumme di Lait vun Långedhal dazu, wail des zu Härschhorn oigemaindt worre is.
Zu Härschhorn ghere heit aa di benochbarte Derfer Erschhoim (di ältscht Siedlung in da Gejend), Långedhal, Unner-Haabrunn un di Hälft vun Igglsbach. Di ånner Hälft ghert zu Ewwerbach un dodemit zu Bade.
Di Burg Härschhorn is ugfähr 1260 vum Johånn vun Härschhorn, meglischerweis aa vun seum Vadder, em Kunarad Rind vun Schdåånisch (Konrad Rind von Steinach), gegrindt worre. Des Wabbe vun de Herre vun Härschhorn geht uf Vorfahre vum Johånn uf da Burg Härschberg bei Leidershause an da Bergschtrooß zurick un zeigt e Geweihschdång vun eme Härsch. Dodevu hawwe di Burg, di Burgherre un schließlisch aa der Ort ihrn Nåme.
Im 14. Johrhunnert is di Burgåålag ausgebaut un erweidert worre. Ihr heidisches Aussehe hot se am End vum 16. Johrhunnert erhalde, wo se im Schdil vun da Renaissås ähnlisch wie e Schloß umgebaut worre is.
Di Burg is noch ausgschbroche gut erhalde. Die beschdeht aus are Kern- odder Haubtburg an da hegschde Schdell, are owwere un are unnere Vorburg un is vun eme weitleifische Befeschdischungssyschdem umgewwe, wo bis zur Schdadt nunner reischt. Alle Gebaide sin aus ärtlischem rodem Såndschdõõ errischt.
Des Karmeliterkloschder Härschhorn mit seunere schbätgodische Kärsch Mariä Verkindischung is 1406 vun de Herre vun Härschhorn gegrindt worre. Des ligt unnerhalb vun da Burg un iwwer der Schdadt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
