Hooiberg

Hooiberg ta un sero y un bario na Aruba, den region di Santa Cruz. E sero tin un haltura di 167,5 meter y ta e di tres sero mas halto di e isla, despues di Jamanota y Arikok. Hooiberg, cu tin forma di un cono, ta situa memey e isla y ta visibel for di casi tur skina di e isla. Tin un trapi di beton cu ta hiba na e top di e sero, unda riba dianan cu visibilidad halto por observa e costa di Venezuela.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Hooiberg
Sero y zona di  Aruba
Bista di Hooiberg for di Casibari (2013) Bista di Hooiberg for di Santa Cruz (1964) Cas tipico (2022) Drechi pa robes: Paisahe di Hooiberg, Sero Biento, y Sero Canashito (1964)
Division administrativo
Pais	Aruba
region	Santa Cruz
Coordinatonan	12°31′1″N 69°59′42″W
Geografia
Elevacion	165 meter
Poblacion
Poblacion (2020)	3,413 habitante[1] 964 habitante/km²
Proporcion  di sexo	0.87
Vivienda	1,175 unidad
Mapa detaya di Hooiberg
Nota: Proporcion di sexo ta representa e cantidad di hende homber pa cada hende muhe.
Imagennan riba Wikimedia Commons
[Edita Wikidata] · [Manual]

Historia

Den siglo 19 tabata usual pa uza Hooiberg como punto di salida pa midimento di tereno. Banda di esey e sero a sirbi como punto di orientacion y vigilancia pa e pueblonan indigena, cual tabata uza esaki pa explora e laman, manera ta mustra e artefactonan di cocolishi cu a ser encontra.

Den tempo moderno e sero tin varios funcion, entre otro e ta duna alohamento na e palonan di radio, television, satelite y antena cu SETAR ta uza, y lus di nabegacion.^[2] Na 1951 architecto Eduardo Tromp a construi un trapi di concret cu 900 step pa facilita mantenemento di e instalacionnan aki. Masha poco habitante local a boga pa construi e trapi. Sin un plan detaya a traha e trapi denter di tres luna. Despues el a wordo reconstrui y manteni mas biaha. E inicial 900 step ya no tey mas; desde 2022 e trapi ta consisti di mas o menos 587 step.^[3]

Desde 2022 Hooiberg ta suheto di un proyecto di embeyecemento, financia pa ATA y TFEP. Esaki a encera renovacion di e trapi, decoracion cu obra di arte di mosaico y ponemento di hut y puntonan di observacion riba e sero.^[4]