![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/COVID-19_Outbreak_World_Map-Deaths.svg/langpap-640px-COVID-19_Outbreak_World_Map-Deaths.svg.png&w=640&q=50)
Pandemia di COVID-19
From Wikipedia, the free encyclopedia
E pandemia di coronavirus na 2019–2020 ta e surgimentu mundial di e malesa di coronavirus tipo COVID-19, kousá pa e sindroma respiratorio severo agudo coronavirus 2 (SARS-CoV-2). E vírus a wordu raportá pa prome bes na Wuhan, provinsia Hubei, China, dia 17 di november 2019 [1] i desde 11 di mart 2020 Organisashon Mundial di Salú (WHO) a deklará e surgimentu un pandemia.[2]
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Te ku 22 di mei 2020 a raportá alrededor di 5.16 mion kaso di COVID-19 na mas ku 188 pais i teritorio, ku a resulta den mas ku 335.000 morto. Mas ku 1.98 mion persona a rekuperá di e virus.[3]
![](http://upload.wikimedia.org/wikipedia/commons/thumb/2/2d/COVID-19_Outbreak_World_Map-Deaths.svg/640px-COVID-19_Outbreak_World_Map-Deaths.svg.png)
Den forma similar na grip e vírus ta plama entre persona mediante gotanan respiratorio chiki prosedente di tosamentu.[4] Entre e momento di ta eksponí i inisio di síntoma tin tipikamente un lapso di sinku dia, pero ku por osila entre dos pa dieskuater dia.[5][6] Sintomanan mas komun ta keintura, tosamentu, rosea kortiko.[5] Komplikashonnan por inklui pulmonia i e sindroma respiratorio agudo. Aktualmente no ta existi bacuna o tratamento spesifiko antiviral, pero investigashon ta andando. Esfuerzonan ta worde dirigi riba maneho di e sintomanan i terapia di sosten. Ta rekomenda medida preventivo manera laba man, mantene distansia di otro hende (en espesial esun ku ta malu), monitoria i auto-isola pa dos siman personanan kual posibelmente ta infekta.[7][8]
![Thumb image](http://upload.wikimedia.org/wikipedia/commons/thumb/7/74/WHO_Covid_rn_confirmed%2Cdeaths_Region_of_the_Americas01.pdf/page1-640px-WHO_Covid_rn_confirmed%2Cdeaths_Region_of_the_Americas01.pdf.jpg)
Reakshonnan pa outoridatnan di salubridat publiko ront mundu ta inklui restrikshon di biahe, karantena, toke de queda, kanselashon di eventonan i seramentu di scolnan. Nan ta inklui karantena na henter Italia i e provinsia di Hubei; diferente medida di toque de queda na China and Sur Korea;[9][10][11] metodonan di screening na aeropuerto i stashon di tren;[12] i konsehonan di biahe pa ku regionnan di transmishon komunitario.[13][14][15][16] Scolnan a sera nashonalmente na 22 pais o lokalmente na 17 pais, afektando mas ku 370 mion studiante.[17]
Mundialmente e efektonan di e pandemia ta ensera instabilidat sosial i ekonomiko,[18][19] xenofobia i rasismo kontra hende di desendensia chines of asiàtiko oriental,[20][21][22][23] i plamamentu via internet di disinformashon i teorianan di konspirashon tokante e vírus.[24] [25][26]