banko di Karibe hulandes From Wikipedia, the free encyclopedia
Maduro & Curiel's Bank N.V. (MCB) ta un banko privá na Karibe Hulandes ku sede prinsipal na Willemstad, Kòrsou. E ta ofresé servisionan bankario i finansiero i ta spesialisá den agensia di seguro, fondo di invershon, banking privá i servisionan di maneho di empresa. MCB, ku 31 filial na e islanan Kòrsou, Aruba, Boneiru, Sint Maarten i Sint Eustatius, ta e banko komersial di mas grandi den e parti karibense di Reino Hulandes.
| Maduro & Curiel's Bank N.V. | ||
|---|---|---|
 | ||
| Funda | 1917 | |
| Fundadó | Joseph Alvarez-Correa, Familie Levy-Maduro | |
| Pais |  Kòrsou | |
| Sede | Willemstad | |
| Empleado | 1,497 (2019) | |
| Sektor | Servicio financiero | |
| Benta | NAF 498 mion (2019) | |
| Ganashi | NAF 148 mion (2019) | |
| Wèpsait ofisial | ||
| [Editá Wikidata] · [Manual] | ||
Na 1916 e banko a wòrdu fundá na Kòrsou komo Maduro's Bank. Fundadónan tabata Joseph Alvarez-Correa i e famia Levy-Maduro, prominente famianan bankario di origen hudiu.
For di aña 1893 e falta di moneda i papel di plaka na kolonia Kòrsou a kondusí SEL Maduro & Sons na emití kupon di plaka te na e introdukshon di e Muntwet di 1901. Durante hopi tempu e 'mundo di Maduro' aki a wòrdu aseptá komo pago na e islanan ABC.[1] Na kuminsamentu di siglo 20 e industrialisashon ku a krese despues di e deskubrimentu di petroleo na Venezuela i e apertura di e kanal di Panama a kondusí na un demanda pa servisionan bankario moderno.[2]
Dia 16 di desèmber 1916, despues du un intento fayá pa tuma over Curaçaosche Bank, e banko sentral di kolonia Kòrsou, e finansiadó lokal Joseph Alvarez-Correa ku e sosten finansiero di SEL Maduro & Sons a fundá Maduro's Bank, e promé banko komersial di e isla. Na 1932, Curiel's Bank, fundá dor di miembronan di e famia Curiel i ku tin su origen den e eksitoso departamento bankario di Morris E. Curiel & Sons, ta uni ku Maduro's Bank pa bira MCB.
E banko ta ser konsiderá komo e promé ku a duna krédito na hudiunan di Ost Oropa ku tabata hui for di persekushon den e añanan promé ku Segundo Guera Mundial.[3]
For di 1970 MCB ta afiliá na Bank of Nova Scotia.
Na 2012 e banko a inougurá e 'Lio Capriles Banking Center' na Lanthùis Rooi Catootje, diseñá pa arkitekto Mike Koch. Kos ku ta hala atenshon den e entrada ta un monumental relieve pa muraya, koló blou ront di e lift, kreá pa Ellen Spijkstra.
E grupo MCB ta konsisti di diessinku empresa aktivo riba e merkadonan lokal i internashonal di Kòrsou, Aruba, Sint Maarten, Boneiru i Sint Eustatius:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
