Kòrsou i Dependensianan

Kòrsou i Dependensianan, tambe konosi komo Kolonia Kòrsou i ofisialmente na hulandes: Curaçao en Onderhorigheden, ta un nòmber ku a wòrdu usá te 1936 pa indiká e islanan Aruba, Boneiru, Kòrsou, Sint Eustatius, Sint Maarten i Saba. Di 1634 te 1828 Kòrsou i Dependensianan tabata referí solamente na e Islanan ABC. Den e periodo aki e seis islanan tabata dividi den dos unidat di gobernashon: Kòrsou i Dependensianan (Aruba, Kòrsou i Boneiru) i Sint Eustatius i Dependensianan (Sint Eustatius, Sint Maarten i Saba).

Kòrsou i Dependensianan

Fecha di fundashon òf kreashon	20 novèmber 1815
Nomber ofisial	Kolonie Curaçao en onderhorigheden, Kolonia di Kòrsou i dependensianan
Kontinente	Nort Amerika
Pais	Reino Hulandes
Kapital	Willemstad
Siguí pa	Antias Hulandes
Fecha di disolushon òf likidashon	15 desèmber 1954

Bandera di West Indische Compagnie

Pa ekonomisá riba e gastunan di gobernashon a uni Kòrsou i Dependensianan i Sint Eustatius i Dependensianan ku Kolonia Sürnam di 1828 te 1845.^[1] Despues ku a resulta ku esaki no tabata traha bon i efisiente manera tabata wòrdu spera a deshasi di e unidat di gobièrnu aki.

Tur seis isla a wòrdu uni pa promé bes den un solo kolonia, ora a añadi Saba, Sint Eustatius i Sint Maarten na kolonia Kòrsou i Dependensianan.^[2] Entre 1936 i 1948 e seis islanan tabata hiba e nòmber Gebiedsdeel Curaçao (Teritorio Kòrsou), i di 1948 te 1986 Antias Hulandes.

Mira tambe

• Karibe Hulandes

Moneda di Gebiedsdeel Curaçao (1944)

Referensia E artíkulo aki òf un vershon anterior di dje ta un tradukshon di e artíkulo Kòrsou i Dependensianan riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan. Van Aller, H.A. (september 1994, p. 27-32). Van kolonie tot koninkrijksdeel. Wolters-Noordhoff, Groningen. Van Aller, H.A. (september 1994, p. 100-102). Van kolonie tot koninkrijksdeel.