From Wikipedia, the free encyclopedia
Di Dos Guera Mundial, (abreviá komo WWII òf WW2), tabata un konflikto militar global di 1939 pa 1945, ku a involvi mayoria di e nashonnan na mundu, inkluyendo tur poder grandi na mundu, organisá den dos partido militar oponente: e Aliadonan i "Axsis".
| Presedí pa | Prome Guera Mundial, interwar period  |
|---|---|
| Siguí pa | aftermath of World War II, Trente Glorieuses, Guera Friu, World War 3 |
| Fecha | 2 sèptèmber 1945 |
| Fecha inisial | 1 sèptèmber 1939 |
| Fecha final | 2 sèptèmber 1945 |
| Time period | newest history, Edat kontemporáneo |
| Has immediate cause | Secret Additional Protocol to the Molotov–Ribbentrop Pact |
| Describi pa URL | https://stadtlexikon.karlsruhe.de/index.php/De:Lexikon:ereig-0074 |
| Historia | timeline of World War II, diplomatic history of World War II |
| Etikèt na Stack Exchange | https://history.stackexchange.com/tags/world-war-two |
| Kategoria pa mapa | Category:Maps of World War II |
E tabata e guera mas plamá na mundu, ku mas ku 100 mion persona militar mobilisá. Den un estado di "Guera Total", e partisipantenan mayor a hinka henter nan ekonomia, industria, i kapasidat sientífiko pa yuda e esfuerso di guera i a kita e distinshon entre rekurso sivil i rekurso militar. Marka pa eventonan signifikante involviendo sivilnan, inkluyendo e Holocaust i bombardeo atómiko ariba Hiroshima i Nagasaki, e tabata e konflikto mas mortal den historia humano resultando dentre 50 pa 70 mion morto.
Ta generalmente akseptá ku e guera a kuminsá dia 1 di sèptèmber 1939, ora Alemania Nazi a invadi Polonia i esei a sigui ku e deklarashon di guera riba Alemania dor di Fransia, i mayoria paisnan di e Emperio di Inglatera i e Mankomunidat. Alemania kier a establesé un imperio aleman grandi den Oropa. Durante 1939, te ku kuminsamentu di 1941, den un seri di kampania militar i tratado politiko, Alemania a konkistá militarmente i politikamente un gran parti di kontinente oropeo i parti di Union Sovietiko. Inglatera i e nashonnan di e Mankomunidat a keda e uniko forsá mayor bringando kontra e Axis den nan kampania di desierto na Nort Afrika i den e ekstenso bataya atlantiko. Na yuni 1942, e Axis oropeo a lansa un invashon di Union Sovietiko, dunando un komienso na e frontera ost, ku lo bai bira e kaminda di guera di mas grandi ku e mundu a hera di mira, ku na e momentu aki tabata dedika kasi tur di e Axis su poder militar. Na desèmber 1941, e imperio di Hapon, ku durante e tempu e kaba tabata den e Di dos Guera Sino-Hapones ku China for di 1937 anto ku kier a establesé dominansia riba Sur Asia i Asia Sureste, a ataka Merka i poseshonnan oropeo den e Oséano Pasífiko, konkistando masha lihé un gran parti di e region.
E Axis su avanse a wordu pará na 1942 despues ku a gana Hapon den un seri di bataya maritimo i despues ku a devasta e tropanan di e Axis oropeo na e di dos bataya di El Almaein na Nort Afrika i e Bataya di Stalingrad na Union Sovietika. Na 1943, ku un seri di perdida aleman na ost di Oropa, e aliadonan a invadi Italia, anto e merikanonan a haña viktoria na Oséano Pasífiko, e Axis a pèrdè su inisiativa stratégiko i a pasa ku un retiro strategiko di tur frontera. Na 1944, e aliadonan a rekapturá Fransia, i e Union Sovietika a reklama tur perdida teritorial i a sigui invadi teritorio aleman i di su aliadonan. E guera na Oropa a kaba ora Union Sovietika a kaptura Berlin, e kapital aleman, ku a resultá den viktoria pa Oropa dia 8 di mei 1945. Pa e tempu ei, e poder maritimo di Hapon a perde kontra esun merikano, i un invashon di e islanan di Hapon dor di Merka a bira imminente. Ku a resulta ku e bombardeo di e siudatnan hapones di Hiroshima i Nagasaki.
E guera a kaba ku viktoria total di e aliadonan riba Alemania i Hapon na 1945. E Di Dos Guera Mundial a laga e alimientu polítiko i e struktura sosial di mundu drastikamente kambia. Komo Nashonnan Uni a wordu establese pa prevení futuro guera i kooperashon internashonal, Union Sovietika i Merka a lanta komo dos superpoder rival, ku a kuminsa e Guera Friu, ku lo dura pa e siguiente 46 aña. Durante esei e influensia di e nashonnan oropeo a baha drastikamente, i e dekolonisashon di Afrika i Asia a kuminsa. Mayoria pais ku su infrastuktura a wòrdu devasta durante e guera a kuminsa bai dilanti i a bira hopi mas modero i integrashon polítiko a kuminsa den un esfuerso pa stabilisa relashonnan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
