Un seroe cu un forma di kegel na Aruba From Wikipedia, the free encyclopedia
Hooiberg ta un sero y un bario na Aruba, den region di Santa Cruz. E sero tin un haltura di 167,5 meter y ta e di dos sero mas halto di e isla, despues di Jamanota. Hooiberg, cu tin forma di un cono, ta situa meymey e isla y ta visibel for di casi tur skina di e isla. Tin un trapi di beton cu ta hiba na e top di e sero. Riba dianan cu visibilidad halto por observa Venezuela for di e top di e sero.
| Hooiberg | ||
|---|---|---|
Zona di  Aruba | ||
Bista di Hooiberg for di Casibari (2013) Bista di Hooiberg for di Santa Cruz (1964) Bista di Hooiberg for di Hudishibana (2023) Drechi pa robes: Paisahe di Hooiberg, Sero Biento, y Sero Canashito (1964) | ||
| Division administrativo | ||
| Pais | Aruba | |
| Region | Santa Cruz | |
| Coordinatonan | 12°31′1″N 69°59′42″W | |
| Geografia | ||
| Elevacion | 165 meter | |
| Poblacion | ||
| Poblacion (2020) |
3,413 habitante[1] 964 hab./km² | |
| Proporcion di sexo |
0.87 | |
| Vivienda | 1,175 unidad | |
| Mapa detaya di Hooiberg | ||
 | ||
| Nota: Proporcion di sexo ta representa e cantidad di hende homber pa cada hende muhe. | ||
Imagennan riba  Wikimedia Commons | ||
| [Edita Wikidata] · [Manual] | ||
Desde 2022 Hooiberg ta suheto di un proyecto di embeyecemento, financia pa ATA y TFEP. Esaki a encera renovacion di e trapi, decoracion cu obra di arte di mosaico y ponemento di hut y puntonan di observacion riba e sero.[2]
Den siglo 19 tabata usual pa uza Hooiberg komo punto di salida pa midimento di tereno. Banda di esey e sero a sirbi como punto di orientacion y vigilancia pa e pueblonan indigena, cual tabata uza esaki pa explora e laman, manera ta mustra e artefactonan di cocolishi cu a ser encontra.
Den tempo moderno e sero tin varios funcion, entre otro e ta duna alohamento na e palonan di radio, television, satelite y antena cu SETAR ta uza, y lus di navegacion.[3] Na 1951 architecto Eduardo Tromp a construi un trapi di concret cu 900 step pa facilita mantenemento di e instalacionnan aki. Masha poco habitante local a boga pa construi e trapi. Sin un plan detaya a traha e trapi denter di tres luna. Despues el a wordo reconstrui y manteni mas biaha. E inicial 900 step ya no tey mas; desde 2022 e trapi ta consisti di mas o menos 587 step.[4]
Hooibergiet ta un piedra cu ta forma gran parti di e ser'i Hooiberg. E ta un piedra hopi duro y unico cu ta wordo encontra solamente na Aruba y Islandia. Color di e piedra ta preto, parecido na graniet cu ader di kalki aden.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
