Florin Antiano

E Florin Antiano ta e nòmber ofisial di e moneda di Kòrsou i Sint Maarten. E ta e susesor di e florin di Kolonia Kòrsou, ku tabata te 1952 e moneda usa na Aruba, Kòrsou, Boneiru, Saba, Sint Maarten i Sint Eustatius. Na Aruba e florin antiano a wòrdu usá te dia promé di yanüari 1986, ora a introdusí e Florin Arubiano. Na Boneiru, Saba i Sint Eustatius te dia promé di yanüari 2011, ora el a wòrdu remplasa pa dòler merikano.

Florin Antiano
Moneda cu balor di 50 cent, 1990
Kódigo ISO 4217	ANG
Símbolo	NAƒ, ƒ
Pais	Kòrsou Sint Maarten  Aruba (te 1986)  Hulanda Karibense (te 2011)
Divishon	100 cent
Remplasá pa	Florin karibense
Banko Sentral	Banko Sentral di Kòrsou i Sint Maarten
Kambio  di moneda	1 USD = 1.790 ANG (cambio fiho) 1 EUR = 1,99 ANG (26 april 2019)
Imágennan riba Wikimedia Commons
[Editá Wikidata] · [Manual]

Simbolo pa florin antiano

E denominashon bankario ofisial di florin antiano ta NAƒ. Den praktika ta usa tambe Afl òf ANG. E florin ta supdividí den 100 'cent' (forma plural hulandes: centen). Desde 2011 e florin antiano a keda propone pa wòrdu sustituí pa e resien kreá florin karibense.^[1]

Origen di nòmber

Na Papiamentu, e idioma ofisial di Aruba, Boneiru i Kòrsou, ta yama e florin antiano simplemente 'florin'^[2] E ISO-4217 code, ANG, ta derivá for di ANtilliaanse Gulden, mientras ku e signo di e moneda, NAFl, ta derivá for di Netherlands Antilles Florin.

Historia

Moneda ku balor di 1 florin hulandes, 1897. Reina Wilhelmina

Den siglo 18, e Florin Hulandes tabata sirkula den Antias Hulandes. Esaki a keda suplementa na 1794 pa un moneda krea spesifiko pa e kolonia nan Hulandes den India Oksidental. Na e momentu ei, e florin tabata wòrdu supdividi den 20 stuiver.

Entre 1799 and 1828, e reaal tabata sirkula entre e isla nan, kaminda 1 reaal = 6 stuiver òf  3,3 reaal = 1 florin. E florin Hulandes a keda re-introdusí na 1828, awor subdividi den 100 cent. Na momentu ku moneda nan a kuminsa wòrdu introdusí mas spesifikamente pa uzo den Antias, e tabata wòrdu saká bou di nòmber di Kòrsou, referiendo na kolonia Kòrsou i su dependensianan, kaminda ku e prome biyete i munt nan, denomina den moneda Hulandes, a keda introdusi na 1892 i 1900 respektivamente. E nòmber Antias Hulandes a keda introdusi na 1952.

Na 1940, despues di e okupashon Aleman di Hulanda, e konekshon ku e moneda hulandes a keda kibrá i a introdusi un konekshon di kambio ku e dòler merikano kaminda ku 1.88585 florin = 1 dollar. E konekshon a keda adapta na 1,79 florin = 1 dollar na 1971. Atraves di tempu esaki a keda adapta na 1.77 florin = 1 dollar.

Na 1986, Aruba a haña su status aparte i a bandona Antias. Poko despues di esaki, Aruba a kuminsa saka su propio moneda, florin arubiano, kual a remplasa e florin antiano. Desde 1 di yanüari 2011 e florin a keda remplasa pa e dòler merikano ($) na Boneiru, Saba i Sint Eustatius.^[3]

Moneda

E siguiente seri di moneda ta wòrdu sirkulá: 1, 5, 10, 25 i 50 sèn i e monedanan di 1, 2½ en 5 florin.

Biyete

Biyete di 10 florin ku ilustrashon di un kolibrí. Karakterístika nan di seguridat ta inklui un 'surface foil tag, un 'hologram' bou di e kolibrí i un 'moiré pattern' oraño ku por mira den kontrast ku e bèrdè di e biyete.

Na 1892, e banko sentral yama Banko kurasoleño a introdusi biyete nan den denominashon di 25 i 50 sèn, 1 i 2,50 florin. Esaki tabata e úniko temporada ku a saka cent na biyete. Biyete nan di 5, 10, 25, 50, 100, 250 i 500 florin a sigui na 1900. Biyete nan di 1 i 2,50 florin a keda suspende despues di 1920, pero a wòrdu re-introdusi pa gobièrnu na 1942 bou di e nòmber di muntbiljet.

Desde 1954, e nòmber di "Nederlandse Antillen" a kuminsa aparesé riba parti patras di e biyete di Banko kurasoleño, i, for di 1955, e muntbiljet (spesifikamente esun di 2,50 florin) tabata wòrdu saká bou di e nòmber di Nederlandse Antillen. Na 1962, e banko sentral su nòmber a keda kambia pa Banko di Antias Hulandes. Na 1969, biyete nan ku fecha di  28 di ougùstùs 1967, a keda introdusí. E parti dilanti di e biyete nan aki ta ilustra e monumento di Statut na parti lenks i ta remplasa e muhé sintá ku por a topa riba e biyete nan anterior i riba e parti patras por mira ilustrashon di un eskudo di arma nobo.^[4] Na 1970, a saka e ultimo muntbiljet den denominashon di 1 i 2,50 florin. Produkshon di e biyete di 500 florin a keda deskontinuá na 1962.

E biyete di 25 florin tin ilustrashon di un flamingo. Karakterístika nan di seguridat ta inklui un 'surface foil tag, un 'hologram' bou di e flamingo i un 'moiré pattern' bèrdè ku por mira den kontrast ku e ros di e biyete.	E biyete di 50 florin tin ilustrashon di un andes mus. Karakterístika nan di seguridat ta inklui un 'surface foil tag, un 'hologram' bou di e andes mus i un 'moiré pattern' bèrdè ku por mira den kontrast ku e oraño di e biyete.	E biyete 100 florin tin ilustrashon di un suikerdiefje. Karakterístika nan di seguridat ta inklui un 'surface foil tag, un 'hologram' bou di e suikerdiefje i un 'moiré pattern' bèrdè ku por mira den kontrast ku e maron di e biyete.

Fuente, nota i/òf referensia "Antilliaanse gulden wordt aangehouden in 2012" (in nl). dushi-curacao.info. 14 September 2011. http://www.dushi-curacao.info/archive-2011/antilliaanse-gulden-wordt-aangehouden-in-2012.html. Retrieved 28 September 2011. Ratzlaff, Betty. (Hulandes) Rijksoverheid.nl - Wat is er veranderd sinds de staatkundige herindeling van het Koninkrijk der Nederlanden? Linzmayer, Owen (2012). "Netherlands Antilles". The Banknote Book. San Francisco, CA: www.BanknoteNews.com. http://www.banknotebook.com.