From Wikipedia, the free encyclopedia
Cas di Cultura (CdC) ta un compleho nacional di Aruba, unda diferente tipo di actividad di arte y cultura por tuma lugar. E ta situa na rotonde 'Las Americas', na entrada di Playa.
| Cas di Cultura | ||
|---|---|---|
| Cultureel Centrum Aruba | ||
| Localisacion | ||
| Pais | Aruba | |
| Localisa na | Oranjestad | |
| Adres | Vondellaan 2 | |
| Coordinatonan | 12°30′34.42″N 70°1′37.27″W | |
| Historia | ||
| Inaugura | 1958 | |
| Renobacion | 1974: sala di exhibicion y oficina di administracion | |
| Sala | 2 (auditorio, Unocazaal) | |
| Capacidad | auditorio: 572 persona | |
| Informacion di construccion | ||
| Architect | Frits F. Zingel | |
| Propietario | Stichting Schouwburg Aruba | |
| Situa na Aruba | ||
 | ||
Imagennan riba  Wikimedia Commons | ||
| Website oficial | ||
| [Edita Wikidata] · [Manual] | ||
Na aña 1949 cuater grupo di arte y cultura activo den comunidad a uni cu Sticusa na Hulanda pa lanta Fundacion Cultureel Centrum Aruba (CCA). Despues di organisa actividadnan cultural, tanto cu artista internacional como local, pa algun tempo nan tabata sinti un gran necesidad pa tin un luga na unda por eherce y desaroya e disciplina di arte.[1] Hunto cu otro fundacion y grupo cultural, manera Filmliga Aruba, Arubaanse Muziekschool, de Arubaanse Kunstkring, het Arubaans Symphonie Orkest, de Volksuniversiteit Aruba, de Aruba Camera Club, de Amateurtoneelgroep, de Rythmische Dansschool y de Vereniging Pro Musica CCA a logra na 1955 pa cera cabes pa realisa un edificio pa arte y cultura. Na 1955 a funda Stichting Schouwburg Aruba (SSA) cu e meta pa construi y maneha e prome centro cultural di Aruba.
E apertura oficial di e edificio “Cultureel Centrum Aruba” a tuma lugar dia 15 di november 1958. Mas despues a cambia e nomber pa “Cas di Cultura”. E diseño tabata na encargo di arkitecto Frits F. Zingel (1920-1996), ken tambe a diseña Centro Pro Arte y misa di Brievengat na Corsou. E pintura, tipo mural, cu originalmente tabata riba e fachada tambe tabata di Zingel. E instancianan cu a haci construccion di e compleho financieramente posibel tabata Teritorio Insular di Aruba, Sticusa, Lago Oil & Transport Company y por ultimo Koninklijke Nederlandse Stoomboot Maatschappij (KNSM) di Amsterdam.[2]
E facilidadnan di Cas di Cultura ta inclui un auditorio, un sala di exhibicion multifuncional (conoci como Unocazaal), cafetaria, entrada (foyer), oficina, studio di ballet y salanan di les y practica. E auditorio tin asiento pa maximo 572 persona y ta airecondiciona. Den e sala specialisa aki por tene diferente sorto di presentacion, entre otro teatro, baile, concierto. Na 1974 tabatin un expansion cu un sala di exhibicion y oficinanan di administracion. Na 2018 a keda di cuminsa cu un renobacion extenso e facilidadnan. Usuarionan di e salanan di les y practica ta Scol di Musica Rufo Wever, Scol di Baile Diana Antonette y Da Vinci Academy.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
