Diana Antonette

Diana Lydia Antonette (n. 9 di oktober 1945) ta un bailarina, coreografo y docente di baile Arubiano, renombra pa su contribucion na e arte di baile na Aruba.

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Diana Antonette

Pais di nashonalidat	Reino Hulandes
Nòmber di dilanti	Diana
Fam	Antonette
Fecha di nasementu	9 òktober 1945
Lugá di nasementu	Aruba
Yu	Alydia Wever
Okupashon	artista, ballet dancer, coreograf
Área di trabou	baila
A studia na	Codarts
Wèpsait ofisial	http://www.scoldibaile.com/

Bida

Diana Antonette a crece na San Nicolas huntu cu su mayornan Catalina Lampe y Oscar Antonette y su dos ruman homber y su ruman muhe.^[1] Su tata tabata traha na refineria Lago. Rond di su di shete aña el a cuminsa tuma les di ballet na "Club Suriname" na San Nicolas y a crece cu pasion pa baile. Despues di caba scol secundario, Antonette tabata tin intencion di studia ley. Un dia, e director di Cas di Cultura a acerca Antonette su tata cu e posibilidad di un beca pa studia baile for di Sticusa. Antonette a tuma e beca aki y tabata e prome studiante di Aruba pa haya e beca aki for di e organisacion. Na 1968 e ta gradua den ballet na Rotterdamse Dansacademie (Codarts) y Balletstudio Nel Roos na Amsterdam como e prome bailarina profesional Arubiano.^[2] Durante su estudio na Hulanda, el a cera conoci cu diferente sorto di baile cu e no tabata familiar cune prome, manera flamenco y bailenan folclorico.

Antonette ta mama di e bailarinanan y docentenan di baile Alydia Wever y Pierangely Wever.

Carera

Antonette tabatin como bailarina un carera di 50 aña y ta activo ainda como docente y coreografo. Na 1968 el a cuminsa como docente di baile na Scol Arubano di Baile y Ballet. Na 1975 e ta lanta, hunto cu e bailarinanan Astrid Salazar y Ina Profet, e scol di ballet "Simandanza".^[3] Enfoke di e scol tabata e tradicionnan di baile folklorico Arubiano.^[4] Na 1983 e el a bin cu su propio grupo di baile "Teatro di Dansa Arubano" cu regularmente tabata duna show di baile tipico na Bonbini Festival den Fort Zoutman y na hotel Golden Tulip-Aruba Caribbean.^[5] E grupo tambe a haci gira na Colombia, Republika Dominikano, Venezuela y Merca. Despues di a regresa Scol Arubano di Baile y Ballet como docente e ta keda apunta dia prome di augustus 1984 como su director.^[6]

Antonette a funda Scol di Baile Diana Antonette, localisa na Cas di Cultura. Na su scol e ta ofrece diferente curso di baile (p.e. folclor, ballet, flamenco, streetdance) pa tur edad y nivel. Cu su studiantenan, e ta crea shownan regularmente. Antonette ta conoci pa e shownan di baile folclorico cu e ta coreografia regularmente pa dianan di fiesta.

El a ricibi diferente distincion pa su contribucion na arte na Aruba. Na 2019 el a wordo condecora como "Ridder" den Orden di Oranje-Nassau.^[7]

Fuente, nota i/òf referensia (nl) Floor Huygens, Diana Antonette, 40 jaar danseres en balletpedagoge, Amigoe (14 di mei 2008). (nl) Arubaanse Dans- en Balletschool viert zevende lustrum. Amigoe (27 ougùstùs 1987). Konsultá dia 5 aprel 2022. (nl) Nieuwe balletschool Simadanza op Aruba. Amigoe (16 mei 1975). Konsultá dia 5 aprel 2022. (nl) Otro anochi cu Simandanza: indrukwekkend. Amigoe (2 yüli 1976). Konsultá dia 5 aprel 2022. (nl) Programa Manifestacion Cultural Koninklijk Bezoek Aruba 1987. (nl) Mensen. Amigoe (5 yüli 1984). Konsultá dia 5 aprel 2022. Gobernador a entrega mas condecoracion real awe. 24ora.com (5 sèptèmber 1984). Konsultá dia 5 aprel 2022.