ଭାସ୍କୁଲାର ଅର୍ବୁଦ ବା ରକ୍ତ-ଲସିକା ନଳୀ ଟ୍ୟୁମର ହେଉଛି ଏକ ପ୍ରକାର ଅର୍ବୁଦ ଯାହା ରକ୍ତନଳୀ ବା ଲସିକା ନଳୀରେ ଥି From Wikipedia, the free encyclopedia
ଭାସ୍କୁଲାର ଅର୍ବୁଦ ବା ରକ୍ତ-ଲସିକା ନଳୀ ଟ୍ୟୁମର ହେଉଛି ଏକ ପ୍ରକାର ଅର୍ବୁଦ ଯାହା ରକ୍ତନଳୀ ବା ଲସିକା ନଳୀରେ ଥିବା କୋଷମାନଙ୍କରୁ ସୃଷ୍ଟି ହୁଏ | [1] ପ୍ରାୟ ୩୦% କ୍ଷେତ୍ରରେ ସେଗୁଡ଼ିକ ଜନ୍ମ ସମୟରେ ଦୃଶ୍ୟମାନ ହେଉଥିବାବେଳେ ଅବଶିଷ୍ଟାଂଶ ମଧ୍ୟରୁ ଅଧିକାଂଶ ପିଲାଦିନେ ସୃଷ୍ଟି ହୁଏ | [3] ଅନେକେ ଅର୍ବୁଦ ବୃଦ୍ଧି ହେବା ପରେ ସ୍ୱତଃ ପ୍ରବୃତ୍ତ ଭାବରେ ଉପଶମ ହୋଇଯାଏ | [3] ଏହାର ଲକ୍ଷଣରେ ଯନ୍ତ୍ରଣା ବା ରକ୍ତସ୍ରାବ ହୋଇପାରେ | [2] କେତେକ ପ୍ରକାରର ଜଟିଳତାରେ ରକ୍ତ ଜମାଟ ବାନ୍ଧିବାରେ ସମସ୍ୟା ହୁଏ । [5]
ଭାସ୍କୁଲାର ଅର୍ବୁଦ | |
---|---|
A hemangioma, a benign type of vascular tumor | |
ଉଚ୍ଚାରଣ |
|
ବିଭାଗ | Oncology |
ଲକ୍ଷଣ | Bleeding, pain[2] |
ସଠିକ ରୋଗ ନିର୍ଣ୍ଣୟ | Vascular malformations[3] |
ଚିକିତ୍ସା | Observation, beta blockers, photocoagulation, embolization, surgery, radiation therapy, chemotherapy[4] |
ପୁନଃପୌନିକ | Infantile hemangiomas 5%, others rare[2] |
ସବୁଠାରୁ ସାଧାରଣ ପ୍ରକାର ହେଉଛି ଇନଫାଣ୍ଟାଇଲ ହେମାଞ୍ଜିଓମା | [3] ଅନ୍ୟାନ୍ୟ ପ୍ରକାରର ଏହି ଧରଣର ରୋଗମାନଙ୍କର ନାମ ଯଥାକ୍ରମେ ଜନ୍ମଗତ ହେମାଞ୍ଜିଓମା, ଲିମ୍ଫାଞ୍ଜିଓମା, ଟଫ୍ଟ ହେମାଞ୍ଜିଓମା, ପାୟୋଜେନିକ ଗ୍ରାନୁଲୋମା, ଆଞ୍ଜିଓଫାଇବ୍ରୋମା, ଲିମ୍ଫାଞ୍ଜିଓମା, ହେମାଞ୍ଜିଓଏଣ୍ଡୋଥେଲିଓମା, କାପୋସି ସାର୍କୋମା ଏବଂ ଅଞ୍ଜିଓସାର୍କୋମା । [3] [2] ଏହି ରୋଗମାନ ବିନାଇନ ବା ମାଲିଗନାଣ୍ଟ ହୋଇପାରନ୍ତି । [1] ରୋଗୀ ପରିକ୍ଷା, ଡାକ୍ତରୀ ଇମେଜିଙ୍ଗ ଓ ବେଳେ ବେଳେ ବାୟିପ୍ସି କରି ରୋଗ ନିର୍ଣ୍ଣୟ କରାଯାଏ । [6]
ନିର୍ଦ୍ଦିଷ୍ଟ ପ୍ରକାରର ଟ୍ୟୁମର ଉପରେ ଚିକିତ୍ସା ନିର୍ଭର କରେ | [6] ବିକଳ୍ପ ଚିକିତ୍ସାରେ ପର୍ଯ୍ୟବେକ୍ଷଣଠାରୁ ଆରମ୍ଭ କରି ବିଟା ବ୍ଲକର, ସ୍ଟିରଏଡ, ଫୋଟୋକୋଆଗୁଲେସନ, ଏମ୍ବୋଲାଇଜେସନ, ଶଲ୍ୟ ଚିକିତ୍ସା, ରାଡିଏସନ ଥେରାପି ବା କେମୋଥେରାପି ଦିଆଯାଏ | [6] ଯନ୍ତ୍ରଣା ଉପଶମ ନିମନ୍ତେ NSAIDଗୁଡ଼ିକ ବ୍ୟବହୃତ ହୋଇପାରେ | [6]
ପ୍ରାୟ ୫% ଶିଶୁଙ୍କର ଇନଫାଣ୍ଟାଇଲ ହେମାଞ୍ଜିଓମା ହୁଏ | [2] ଅନ୍ୟ ଭାସ୍କୁଲାର ଟ୍ୟୁମର୍ ବିରଳ ଅଟେ। [2] ଭାସ୍କୁଲାର ଟ୍ୟୁମରର ପ୍ରାୟ ୪% ଲିମ୍ଫାଞ୍ଜିଓମା ଥାଏ | [7] ଭାସ୍କୁଲାର ଟ୍ୟୁମରକୁ ଐତିହାସିକ ଭାବରେ "ଜନ୍ମ ଚିହ୍ନ" ଭାବରେ ବର୍ଣ୍ଣନା କରାଯାଇଥିଲା | [3] ୧୮୮୦ ଶତକର ମଧ୍ୟ ଭାଗରେ ରୁଡୋଲ୍ଫ ସର୍ବ ପ୍ରଥମେ ଏହାର ଶ୍ରେଣୀବିଭାଗ କରିଥିଲେ କିନ୍ତୁ ପ୍ରଚଳିତ ଶ୍ରେଣୀବିଭାଗ ସିଷ୍ଟମ୍ ମୂଳତଃ ୧୯୮୨ ମସିହାରେ ପ୍ରସ୍ତାବିତ ହୋଇଥିଲା ।[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.