From Wikipedia, the free encyclopedia
ଲେଖା ଚାଲିଛି...
ଇନଫାଣ୍ଟାଇଲ ହେମାଞ୍ଜିଓମା (Infantile haemangioma) | |
---|---|
Hemangioma, capillary hemangioma, capillary angioma, juvenile [1] | |
![]() ଗୋଟିଏ ଛୋଟ ହେମାଞ୍ଜିଓମାର ଚିତ୍ର | |
ବିଭାଗ | ଚର୍ମ ରୋଗ ବିଜ୍ଞାନ (Dermatology), gastroenterology |
ଲକ୍ଷଣ | ଉତ୍ଥିତ ଲାଲ ବା ନୀଳ ଦାଗ (lesion)[2] |
ଆକ୍ରାନ୍ତ ସମୟ | ଜୀବନର ପ୍ରଥମ ୪ ସପ୍ତାହ [1] |
ବିପଦ କାରକ | ମହିଳା, ଶ୍ୱେତ ଲୋକ (white people), preemies, ସ୍ୱଳ୍ପ ଜନ୍ମ ଓଜନର (low birth weight ଶିଶୁ[1] |
ରୋଗ ନିର୍ଣ୍ଣୟ ପଦ୍ଧତି | ଲକ୍ଷଣ ଓ ଚେହେରା [1] |
ସଠିକ ରୋଗ ନିର୍ଣ୍ଣୟ | କନଜେନିଟାଲ ହେମାଞ୍ଜିଓମା (Congenital hemangioma), ପାୟୋଜେନିକ ଗ୍ରାନୁଲୋମା (pyogenic granuloma), କାପୋସିଫର୍ମ ହେମାଞ୍ଜିଓଏଣ୍ଡୋଥେଲିଓମା (kaposiform hemangioendothelioma), ଟଫଟେଡ ଆଞ୍ଜିଓମା (tufted angioma), ଭେନସ ମାଲଫର୍ମେସନ (venous malformation)[1] |
ଔଷଧ | ପ୍ରୋପ୍ରାନୋଲୋଲ୍, କର୍ଟିକୋସ୍ଟିରଏଡ (steroids)[3][1] |
ଚିକିତ୍ସା | ନିକଟ ପର୍ଯ୍ୟବେକ୍ଷଣ, ଔଷଧ[3][1] |
ପୁନଃପୌନିକ | ୫% [3] |
ଇନଫାଣ୍ଟାଇଲ ହେମାଞ୍ଜିଓମା (ଇଂରାଜୀ ଭାଷାରେ Infantile hemangiomas/ IH) ଏକ ପ୍ରକାର ମୃଦୁ ରକ୍ତନଳୀ ଅର୍ବୁଦ (vascular tumor) ଯାହା ଶିଶୁମାନଙ୍କ ଦେହରେ ହୁଏ ।[1] ଚର୍ମରେ ଉତ୍ଥିତ ଲାଲ ବା ନୀଳ ଦାଗ (lesion) ଦେଖାଯାଏ ।[2] ଜୀବନର ପ୍ରଥମ ୪ ମାସରେ ଏହା ସୃଷ୍ଟି ହୋଇ ୫ ମାସ ପର୍ଯ୍ୟନ୍ତ ରହିବା ପରେ ପରବର୍ତ୍ତୀ କିଛି ବର୍ଷ ମଧ୍ୟରେ ସଙ୍କୁଚିତ ହୋଇଯାଏ ।[1] ଚମରେ କିଛିଟା ଦାଗ ରହିଯାଏ ।[1][3] ରୋଗ ସାଂଘାତିକ ହୋଇଗଲେ ଯନ୍ତ୍ରଣା, ରକ୍ତସ୍ରାବ, ଘାଆ (ulcer), ହୃଦ୍ପାତ, ଅସୁନ୍ଦର (disfigurement) ଇତ୍ୟଦି ଅବସ୍ଥା ସୃଷ୍ଟି ହୋଇପାରେ । [1]
ଏହି ରୋଗର କାରଣ ଅଦ୍ୟାବଧି ଅଜ୍ଞାତ ଅଛି ।[1] ପ୍ରାୟ୧୦% ରୋଗୀଙ୍କର ପରିବାରରେ ଏହା ଚାଲୁରହେ ।[1] ଏହା ସହିତ ଅଳ୍ପ କେତେକ ଅନ୍ୟ ରୋଗ (PHACE syndrome) ମଧ୍ୟ ଦେଖାଯାଏ ।[1] ଲକ୍ଷଣ ଓ ଆକୃତି ଦେଖି ରୋଗ ନିର୍ଣ୍ଣୟ କରାଯାଇପାରେ ।[1] ମେଡିକାଲ ଇମେଜିଙ୍ଗ (medical imaging) ସାହାଯ୍ୟରେ ରୋଗ ନିର୍ଣ୍ଣୟ କରାଯାଇପାରେ ।[1]
ପର୍ଯ୍ୟବେକ୍ଷଣ ବ୍ୟତୀତ ଅଧିକାଂଶ କ୍ଷେତ୍ରରେ ଅନ୍ୟ କିଛି କରାଯାଏନାହିଁ । [3][1] ସମସ୍ୟା ଥିବା କ୍ଷେତ୍ରରେ ପ୍ରୋପ୍ରାନୋଲୋଲ୍, କର୍ଟିକୋସ୍ଟିରଏଡ (steroids) ଦିଆଯାଇପାରେ ।[3][1] ବେଳେ ବେଳେ ଅପରେଶନ ବା ଲେଜର (laser treatment) ଚିକିତ୍ସା କରାଯାଇପାରେ ।[1]
ଶିଶୁମାନଙ୍କ ଦେହରେ ହେଉଥିବା ମୃଦୁ ଅର୍ବୁଦ (benign tumor) ମଧ୍ୟରୁ ଏହା ସର୍ବାଧିକ ଦେଖାଯାଏ ଓ ପ୍ରାୟ ୫% ଥାଏ ।[3][1] ସାଧାରଣତଃ ମହିଳା, ଶ୍ୱେତ ଲୋକ (white people), preemies, ସ୍ୱଳ୍ପ ଜନ୍ମ ଓଜନର (low birth weight ଶିଶୁଙ୍କ ଦେହରେ ଏହା ଦେଖାଯାଏ ।[1] ଗ୍ରୀକ୍ ଭାଷାର ହେମା (αίμα) ଶବ୍ଦର ଅର୍ଥ ରକ୍ତ, ଆଞ୍ଜିଓ (αγγείο) ଶବ୍ଦର ଅର୍ଥ ରକ୍ତନଳୀ ଓ ଓମା (-ωμα) ଶବ୍ଦର ଅର୍ଥ ଅର୍ବୁଦମାନଙ୍କୁ ନେଇ ହେମାଞ୍ଜିଓମା ଶବ୍ଦଟି ଗଠିତ ହୋଇଛି । [4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.