Maurici Andrieu
From Wikipedia, the free encyclopedia
From Wikipedia, the free encyclopedia
Maurici Andrieu (París, 12 de decembre de 1933 – Tolosa, 15 de novembre de 2011) èra una figura de l'audiovisual e del teatre occitan.
Nascut a París per azard, dins l'arrondiment 12en, lo 12 de decembre de 1933, Maurici Andrieu foguèt rapatriat a Tolosa tre sos sièis meses en rason d'una malautiá grèva de sa maire que ne morirà ça que la dos ans puèi. Elevat a Tolosa per sos grands parents pairals que ne ten la practica de la lenga occitana, fat e fòl de teatre a 15 ans, mas ausant pas causir aquel camin, lo Maurici s'adralha aprèp lo bac cap a longs estudis medicals amb concorses dels espitals a la clau. Es a Niça, que i es coma intèrne cirurgical, que lo demòni de la scèna lo tòrna agafar, lo butant a daissar la cirurgia al profièch de l'anestesia, e a començar de far de teatre en amator amb lo Cercle Molière que li jòga, en 1967-68, dins sièis pèças en doas sasons : Le mariage de Figaro, de Beaumarchais (Basile), Le misanthrope, de Molièra (Clitandre), Le maître de Santiago, de Montherlant (Letamendi), La mégère apprivoisée, de Shakespeare, version Audiberti (Tranio), La vie est un songe, de Calderon (Astolfe), e Lison, de Musset (Le duc).
Diplòma e tèsi en pòcha, aquí lo nòstre anestesista installat en region parisenca amb l'idèia plan arrestada de se reconvertir dins lo teatre. Quauques recitals de poesia (Prévert, Apollinaire), l'animacion d'un atalièr de teatre al collègi de Saint-Mandé, en soma plan pauc de causa per se metre jos la dent e plan de dificultats per dintrar dins lo mitan teatral quand avètz pas seguida la filièra normala. Al cap de quatre ans e mièg, s'estent pas ges acostumat a "la vie parisienne" e agent pres consciéncia de sa prigonda occitanitat lo jorn que l'Enric Molin li revelèt que lo «patoès» que cresiá de parlar èra ni mai ni mens que la lenga dels trobadors, Maurici Andrieu decidís d'abandonar la medecina, de tornar al país, a Tolosa, e d'èstre comedian professional. Çò que met a execucíon en junh de 1973. Tres meses puèi, lo còp d'astre !... Una audicion a l'estacion regionala de l'ORTF li permet d'i trabalhar coma comedian en francés e en occitan, de far la coneissença de la cantaira occitana Jacmelina, que met en musica unes de sos poèmas, e un pauc pus tard de Rosina de Pèira e Martina que cantan la cançon tradicionala occitana. E en octobre de 1974, lo qüatuor se produsís amb succès dètz jorns de temps a la Cauna-Poesia de Tolosa amb son espectacle "Tolosa Occitana", cants tradicionals, cançons de creacion e poèmas del sègle XVII a d'uèi. A partir d'aquí, la carrièra artistica del Maurici Andrieu es lançada e se va persègre dins divèrsas direccions : sus scèna, a la ràdio e television, coma istorian local e coma traductor de pèças de teatre.
Dàvid Geurten: cançons & eslam Maurici Andrieu: cançons, poesia classica.
Ròtle de Creon + mesa en espaci.
Ròtles de Crèbatinas e del Cap de Cabinet + mesa en espaci amb Foguièr Rural d'Aurevila.
Cinc representacíons amb Xavièr Bach e Pèire Joan Bernard.
Sol al mièg del public.
Ròtle de Mma Sicè + mesa en espaci.
Ròtle de l'Àngel. Pèça non montada.
Version novèla de la Velhada Pèire Godolin Un dels tres recitaires amb Simon Laguens e Enriqueta Surin.
Ròtle de Capdèt Barrau + mesa en espaci.
Ròtle de Me Nicòu + mesa en espaci.
Un dels tres recitaires amb Simon Laguens e Nadalia P. Lizon.
Traduccion lengadociana de Maurici Andrieu Ròtle d'Esganarèla + mesa en espaci.
Comèdia Occitana Tolzana amb Enriqueta Surin e Simon Laguens, e amb Joan Pèire Lafita e Pavel Matack, musicians.
Comèdia Occitana Tolzana.
Comèdia Occitana Tolzana en prefiguracion.
Ostal d'Occitània. Tolosa.
Animator puèi jornalista (1990) productor e presentator de Viure al País a França 3 Sud.
Cinc flors e dos rapèls de flors als Jòcs Florals de Tolosa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
