Calonjas

Calònjas o Calonjas ^[1] (Calonges en francés) es una comuna agenesa de Gasconha situada dens lo departament d'Òut e Garona e la region de Navèra Aquitània, ancianament d'Aquitània.

Vilatge d'Occitània

Mai d'informacions CalonjasCalonges, Descobridor o inventaire ...

Calonjas
Calonges

Geografia fisica

Coordenadas

44° 22′ 30″ N, 0° 14′ 29″ E

Superfícia

15,99 km²

Altituds
· Maximala
· Mejana
· Minimala

94 m
39 m
26 m

Geografia politica

Gasconha Agenés

França

Las Seuvas/Ahorèsts /Los Bòscs de Gasconha (Lo Mas d'Agenés avant 2015)

Intercom
244700522

Vath de Garòna Aglomeracion

Cònsol

François Néraud
(2020-2026)

Geografia umana

Populacion
Populacion totala
(2018)

630 ab.

643 ab.

Densitat

37,59 ab./km²

Autras informacions

Còde postal

47430

Còde INSEE

47046

Tampar

Aquesta seccion es voida, pas pro detalhada o incompleta. Vòstra ajuda es benvenguda !

Perimètre deu territòri

Comunas confrontantas de **Calònjas**
Lo Mas d'Agenés		L'Agruèra
Senta Gema e Martalhac		Vilaton
Lairitz e Montcassin	Rasimet

Las fòrmas ancianas son totas en latin : Calongis (decime Sancti Vincentii de ~), au sègle XIII, Calongis (castrum de ~), en 1216, Calongis, en 1271, Calongiis (de ~), en 1293. La prononciacion locala es [ka'lɔnjəs] (en prononciacion francesa, seré ka'lonyes); per error, Bénédicte Boyrie-Fénié escriu [kalɔn'jəs] ^[2]. A una certana distància de de la comuna, la prononciacion es [ka'lunjəs] ^[3] (demb la medisha error grafica d'accentuacion). Dauzat explica lo nom per un nom latin d'òme Callonius e lo sufixe -ica ^[4], solucion retenguda per B. Boyrie-Fénié. Negre, cité par B. Boyrie-Fénié, avèva una auta explicacion : lo mot colonica, en latin tardiu, « bòrda autrejada a un colonus», çò qu'auré demandat una dissimilacion de mau explicar^[2]. Mès -ll- intervocalica auré donat -r- e lo nom seré estat *Caronjas dans l'ipotèsi de Dauzat e de Boyrie-Fénié (lo vilatge es a la periferia deu gascon, mès en quita riba dreta, la toponimia anciana es impecablament gascona e se pòt pas imaginar en riba esquèrra una influéncia lengadociana anciana e pus hòrta). Se cau donc virar cap au nom gallés de riu Calona o Calonia ^[5], demb un sufixe -ica, se lo nom es pas Calonia (las fòrmas ancianas en -ng- hèsen supausar pr'aquò que lo nom deu lòc es pas *Calonhas/Calònhas. Lo riu es adara sus la mapa ruisseau de Tareyre, deu nom d'un lòc situat près de sa hont, entre Veirias e Montcassin, mès èra benlèu Calona o Calonia. L'auta solucion seré d'acceptar l'explicacion d'Ernèst Negre, en supausant necessàriament una dissimilacion doriva. La diferéncia de prononciacion entre los lòcs près de la comuna e los lòcs pus lonhs se pòt explicar per la tendéncia normala daus abitants daus darrèrs, qu'entenen pas sovent un nom, a interpretar en -on los noms que coneishen devath una fòrma francesa en [-ɔn]. Mès aquò ditz pas çò qu'èra la fòrma d'origina. Normalament, las innovacions començan dens los lòcs concernits e se pòt que lo nom èra *Calonjas, pui qu'estot modificat en Calònjas : véser lo cas de (Senta) Pomponha, demb un etime segur, lo latin Pomponia, que vengot localament Pompunha. La question demòra ubèrta. La preséncia de -s finala, banala en Gasconha dau nòrd-èst, se pòt explicar per un gentilici shens sufixe, *los Calonjas/Calònjas, qu'auré transmés son plurau au nom dau vilatge.

Aquesta seccion es voida, pas pro detalhada o incompleta. Vòstra ajuda es benvenguda !

Mai d'informacions Periòde, Identitat ...

Lista deus cònsols successius
Periòde		Identitat	Qualitat
octobre de 2010	2026^[6]	François Néraud	retirat
març de 2001	2010	Jean-Claude Sorbes	pre-retirat de la SEITA
junh de 1995	2001	Gilbert Barthou
	1995
Totas las donadas son pas encara conegudas.

Tampar

Avant la refòrma cantonala de 2014, aplicada en 2015, la comuna èra dau canton dau Mas d'Agenés; es adara deu canton de las Seuvas/Ahorèsts /daus Bòscs de Gasconha.