From Wikipedia, the free encyclopedia
Un borg es una aglomeracion rurala inferiora a la vila onte a luòc d'ordinari lo mercat dei vilatges situats dins seis environs. En generau, se parla de borg per designar una ciutat de dimension intermediària entre lo vilatge e la vila, sens borgada o banlèga. Dins maites païses, istoricament o uèi encara, aquò correspond a un estatut legal (per exemple, en Republica Chèca).
Lo latin burgus «fòrt», versemblablament d'origina germanica, intrèt en Gàllia sota l'Empèri, onte daissèt pas que quauquei traças toponimicas dins lo Miegjorn (la preséncia de toponims occitans dau tipe Burc (/ü/) indican una /u/ longa). Lo tèrme saxon intrèt vèrs lo sègle V en Bolonhés e la region de Bayeux, puei tornarmai au sègle X per lei colons anglosaxons en Normandia, au sens de «fortificacion» e de «vilatge». Passèt en francés ancian gràcias ai dialèctes picards e normands. La forma "borg" (d'onte lo provençau "borgada") se tròba abondosament en toponimia occitana atanben.