Associacion Internacionala de las Federacions d'Atletisme
From Wikipedia, the free encyclopedia
[1] L' Associacion Internacionala de las Federacions d'Atletisme (en anglés: World Athletics), plan mai coneguda en pel mond entièr coma IAAF mas tot parièr socialament, mediatica e culturala, Federacion Internacionala d'Atletisme..., es l'organisme internacional que regís e organiza l' atletisme mondial.
Lo sieu nom anglés actual foguèt adoptat al congrès de 2001 amor de cambiar lo vocable anglés amateur del sieu nom anterior, id est International Amateur Athletics Federation, vengut fòra mòda amai quitament vielhanchon davant l'evolucion contemporanèa del primièr espòrt olimpic, del primièr[2] espòrt planetari.
Las siás foncions màgers son d'organizar las competicions planetàrias de l'atletisme (totas menas de Campionats del Mond d'atletisme, dins totas las siás modalitats e categorias d'edat..., çò es sala, junior, de la joventut o de cross-country, de mièg maraton...) e d'unas autras competicions planetàrias (per equipas mai que tot, atal la Copa del Mond d'atletisme bèla primièra - venguda a partir de 2010 Copa Intercontinentala d'atletisme - ...), o la Copa del Mond de marcha e d'unes autres eveniments planetaris coma l' IAAF Diamond League - que remplacèt en 2010 l'IAAF Golden League...- amai totas las manifestacions e meetings del circuit atletic IAAF annadièr ( que fòrça sovent ne cambièt de nom, modalitats e principis tot al briu de son istòria...), en collaboracion estrecha per çò que dels Jòcs Olimpics amb lo Comitat Internacional Olimpic.
Se n'entreva tot parièr de legiferar lo sieu espòrt, en tot ne reglamentar las divèrsas disciplinas e velhar al sieu bon foncionament a mai lo respièch de totas sas règlas e leis.
Lo sieu prètzfach màger n'es, pr'aquò, de segur, l' omologacion dels divèrses recòrds del mond d'atletisme.
Distribuís tanben prèmis e guerdons als atlètas cada an amai n'establís lo ranking.
Dempuèi 1983, lo sieu sèti social es a Mónegue, que d'a Londres mudèt los catons.
Son president actual es l' ex sautaire de long senegalés en Lamine Diack[3], elegit successor de l'italian en Primo Nebiolo aprèp lo decès d'aiceste en 1999 [4].
Èra estada fondada a Estocòlme en 1912 per 17 païses e ne compren uèi lo dia 213 membres afiliats (federacions nacionalas, estatalas...), eissits d'a 6 comitats o associacions (continentals e subcontinentals...), bèla pròva sine qua non de la siá gaireben absoluda e totala universalitat.[5]