![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fa/Orpheus_death_Louvre_G416.jpg/640px-Orpheus_death_Louvre_G416.jpg&w=640&q=50)
Orfèu
From Wikipedia, the free encyclopedia
Orfèu (en grèc ancian Ὀρφεύς) es un eròi de la mitologia grèga, filh del rei de Tràcia Eagre[1] e de la Musa Calliòp. Poèta e musician, èra a vegada considerat coma un profèta e inspirèt un movement religiós nomenat « orfisme », qu'èra ligat als pitagoricians e als mistèris dionisiacs[2]. Orfèu èra dels Argonautas; sa davalada als Infèrns e son fracàs a tornar sa femna Euridice dins lo mond dels vivents forman son mite.
![Thumb image](http://upload.wikimedia.org/wikipedia/commons/thumb/f/fa/Orpheus_death_Louvre_G416.jpg/640px-Orpheus_death_Louvre_G416.jpg)
Gaireben totes los autors antics s'acòrdan sus l'existéncia istorica d'Orfèu[3], per Aristòtel, Orfèu jamai foguèt poèta. Segon el, l’autor dels imnes orfics se nomena Cercòps[4],[5]. Orfèu es evocat dins un poèma d'Ibicos, al sègle VII[6]. La legenda d'Orfèu es ligada a la religion dels mistèris e a una literatura sagrada; ensenha las iniciacions, e a s'abstenir dels murtres per l'instauracion de las expiacions[7].
![Thumb image](http://upload.wikimedia.org/wikipedia/commons/thumb/7/70/THAM-Calydon_sarcophagus_Orpheus.jpg/640px-THAM-Calydon_sarcophagus_Orpheus.jpg)