Montcuc

Montcuc^[1]^,^[2]^,^[3]^,^[4] (Montcuq en francés) es una anciana comuna occitana de Carcin, situada dins lo departament francés d'Òlt e la region de Miègjorn-Pirenèus. Montcuc es, dempuèi lo 1èr de genièr 2016, lo capluòc de la comuna novèla de Montcuc en Carcin Blanc.

Vilatge d'Occitània

Mai d'informacions MontcucMontcuq, Descobridor o inventaire ...

Montcuc
Montcuq

La vila de Montcuc.

Geografia fisica

Coordenadas

44° 20′ 23″ N, 1° 12′ 37″ E

Superfícia

32,22 km²

Altituds
· Maximala
· Mejana
· Minimala

291 m
200 m
135 m

Geografia politica

França

Lusèg (capluòc del Canton de Montcuc abans 2015)

Intercom
244600490

CC del Carcin Blanc

Cònsol

Alain Lalabarde (delegat)
(2016-2020)

Geografia umana

Populacion
Populacion totala
(2018)

1 739 ab.

1 787 ab.

Densitat

38,52 ab./km²

Autras informacions

Gentilici

Montcuquois, Montcuquoises (en francés)

Còde INSEE

46201

Divèrs

capluòc de Montcuc de Carcin Blanc. Per la populacion actuala e la densitat veire Demografia.

Tampar

Montcuc (atestacion de Montecuco, en 1257, Monque en 1394^[5]) es una formacion pleonasmica, que apilòta mont (del latin mons, montis) e un nom preceltic de sens aparentat *kuk-, « nautor ponchuda », « mont arredondit », « cap » ^[6]^,^[7] (lo sens exacte es de mal precisar). Se pòt supausar que lo nom Montcuc foguèt donat per de populacions que coneissián pas lo sens de la segonda partida, -cuc. Se sap que lo mot cuc es preceltic perqué se tròba dins de païses que los cèltas ocupèron pas. Aquel mot a de variantas : suc, tuc, truc, de fòrmas feminizadas mai o mens recentas (tuca es plan viu dins la lenga occitana de l'oèst). Es malaisit d'explicar la rason d'aquelas variantas : de dialèctes diferents dins la lenga d'origina ? la preséncia d'infixes que ne modificavan lo sens e que se percèbon encara per lor resultat, una iniciala consonantica diferenta ? de sons diferents dels sons que las lengas dels novèls arribants indoeuropèus possedisson, çò que menèron los locutors d'aquelas lengas a modificar de mai d'un biais çò qu'ausissián per l'adaptar a lor fonetica, un pauc coma nosauts deformam quora en -d-, quora en -z-, o autrament, lo -th de l'anglés ?
Sent Privat (nom supausat). Del nom d'un avesque de Mende e martir, del sègle III (en latin Privatus ^[8].
Rolhac (nom supausat) es benlèu coma Rouillac (Charanta), format del nom d'òme latin Rŭllius ambe sufixe -acum^[9] , latinizacion del sufixe gallés -aco(n). Rolhac èra donc benlèu una anciana granda propietat antica que son mèstre èra Rŭllius.
Sent Geniés (nom supausat) es lo nom, siá d'un grafièr o notari d'Arle que refusèt d'enregistrar los edictes qu'ordenavan la persecucion dels crestians e que foguèt escapitat en 308 ^[10], en venent atal un martir, siá d'un martir en Auvèrnhe ^[11], siá d'un avesque de Lion, mòrt en 678 ^[12], siá d'un comedian martir a Roma al sègle IV ^[13], siá d'un avesque de Clarmont mòrt en 662 ^[14]^,^[15].
Sent Sarnin (nom supausat) es lo nom de l'avesque de Tolosa, martir al sègle III, cap a 250 ^[16]^,^[17].

Montcuc annexèt entre 1790-1794, Saint-Privat-de-Montcuq (nom francés, donc probable Sent Privat de Montcuc), entre 1790 e 1794; annexèt entre 1795 e 1800, Rouillac (nom francés, donc benlèu Rolhac), Saint-Geniès (nom francés, donc benlèu Sent Geniés), Saint-Sernin (nom francés, donc benlèu Sent Sarnin).

Mai d'informacions Periòde, Identitat ...

Primièr e darrèr cònsol delegat
Periòde		Identitat	Etiqueta	Qualitat
genièr de 2016	2020	Alain Lalabarde	UMP, LR	cònsol de Montcuc de Carcin Blanc
Totas las donadas son pas encara conegudas.

Tampar

Mai d'informacions Periòde, Identitat ...

Lista dels cònsols successius
Periòde		Identitat	Etiqueta	Qualitat
2014	31 de decembre de 2015	Alain Lalabarde	UMP
març de 2008	2014	Lagarde Guy	sense etiqueta	primièr adjunt
març 1989	2008 (demission)	Daniel Maury	PRG	conselhièr general (1994-2012)
	1989
Totas las donadas son pas encara conegudas.

Tampar

De la formacion de Montcuc de Carcin Blanc a mai de 2020, Montcuc èra comuna delegada. En mai de 2020, las comunas delegadas foguèron suprimidas ^[18].