Macedònia del Nòrd
país d'Euròpa / From Wikipedia, the free encyclopedia
Macedònia del Nòrd, oficialament la Republica de Macedònia del Nòrd (en macedonian: Република Северна Македонија, Republika Severna Makedonija; en albanés: Republika e Maqedonisë së Veriut), es un estat situat en Euròpa del Sud-Èst, dins los Balcans. La capitala es Skopje e lo gentilici es macedonian -a.
Pels articles omonims, vejatz Macedònia (omonimia). |
Macedònia del Nòrd | |
Република Северна Македонија (macedonian) | |
Imne: Denes Nad Makedonija | |
Administracion | |
---|---|
Capitala | Skopje |
Forma de l'Estat | Republica parlamentària |
President de la Republica President del conselh | Stevo Pendarovski (Стево Пендаровски) Talat Xhaferi (Талат Џафери) |
Lengas oficialas | Macedonian |
Geografia | |
Superfícia | Classat 145en |
• Totala | 25 713 km² |
• Aiga (%) | 1,9% % |
Punt culminant | Mont Korab (ca) |
Demografia | |
• Totala | 1 832 696 ab. (2021) |
• Densitat | 80,1 ab./km² ab./km² |
Istòria | |
Independéncia | Iogoslavia |
8 de septembre de 1991 | |
Economia | |
IDH | 0,774 elevat 82 (2019) |
Autras informacions | |
Indicatiu telefonic | 387 |
ISO 3166 | MK |
Fus orari | +1 |
Domeni internet | .mk |
Fins en 2019, lo nom oficial de l'Estat èra la Republica de Macedònia: per aquela rason, lo país èra implicat dins un desacòrd de longa tòca sus son nom amb Grècia, qu'a pres fin en junh de 2018 gràcias a l'acòrdi de Prespa. Malgrat la malescaduda del quorum pendent lo referendum de confirmacion del 30 de setembre, lo parlament macedonian a aprovat en genièr de 2019 un emendament constitucional per adoptar lo nom de Macedònia del Nòrd, vengut oficial lo 12 de febrièr seguent[6] e poder atal aderir a la denominacion novèla de l'OTAN lo 27 de març de 2020 e obrir la via a la dintrada dins l'Union Europèa, essent lo país demest los candidats oficials a l'adesion a l'UE.
Es environat per Grècia, Bulgaria, Serbia, Kosova[Nòtas 1] e Albania. Son territòri nacional es d'una superfícia de 25 713 km² e la populacion èra de 1 832 696 estatjants (2021).
Abans de son cambiament de nom en rason d'un desacòrdi de Grècia sus sa denominacion — una de las provincias grègas pòrta tanben lo nom de Macedònia — la màger part de las organizacions internacionalas (coma l'OTAN e l'Union Europèa) e dels Estats estrangièrs apelavan oficialament aqueste país l'Anciana Republica Iogoslava de Macedònia, o en forma abreujada, la FYROM (en anglés Former Yugoslav Republic of Macedonia). Pasmens s'utilizavan largament, per rason de comoditat, dins los tèxtes mens oficials (comunicats, telegramas, ligams de navegacion dels sites dels ministèris dels Afars Estrangièrs) los tèrmes de Macedònia e de Republica de Macedònia