![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6b/Grigory_Zinoviev_02.jpg/640px-Grigory_Zinoviev_02.jpg&w=640&q=50)
Grigori Zinoviev
From Wikipedia, the free encyclopedia
Grigori Zinoviev (23 de setembre de 1883, Elysavet - 25 d'aost de 1936, Moscòu) es un òme politic sovietic. Figura importanta dau movement bolchevic tre leis ans 1902-1903, èra un luòctenent principau de Lenin e s'entornèt amb eu en Russia en 1917. Membre dau Politburo dau partit de 1917 a 1926, foguèt tanben president dau soviet de Petrograd e dirigiguèt lo Comitat Executiu de l'Internacionala Comunista. Après la mòrt de Lenin, formèt amb Estalin e Lev Kamenev una troicà destinada a s'opausar a Trotski. Pasmens, aquela aliança durèt gaire e Zinoviev s'opausèt a Estalin a partir de 1925. Per aquò, s'alièt a Trotski au sen de « l'oposicion unificada ». Condamnat per fraccionisme en 1927, Zinoviev perdiguèt sei foncions au sen dau Partit. En 1935, foguèt jutjat moralament responsable de l'assassinat de Kirov e executat. Leis autoritats sovieticas lo reabilitèron en 1988.
![Thumb image](http://upload.wikimedia.org/wikipedia/commons/thumb/6/6b/Grigory_Zinoviev_02.jpg/320px-Grigory_Zinoviev_02.jpg)