![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/oc/thumb/7/7d/ClaudiMart%25C3%25ADAuraSegui%25C3%25A8r.jpg/640px-ClaudiMart%25C3%25ADAuraSegui%25C3%25A8r.jpg&w=640&q=50)
Claudi Martí
Escrivan e cantaire lengadocian / From Wikipedia, the free encyclopedia
Claudi Martí, nascut Claude Marti-Salazar lo 6 de març de 1940 a Carcassona, es una de las voses mai importantas (amb Patric, Joan-Pau Verdier, Mans de Breish e d'autres) de la recuperacion de la cultura e de la musica occitana dins los ans 70, fenomèn sonat Nòva Cançon. Originari del país de Carcassona cantèt de cançons plan engatjadas coma Montsegur, Perqué m'an pas dit o Un país que vòl viure qu'evocavan la repression e la somission culturala e lingüistica en tèrras occitanas, sens doblidar Lengadòc Roge una mena d'omenatge a las victimas de la repression de 1907 e Los comandos de la nuèit qu'evoca las accions clandestinas dels vinhairons.
![Thumb image](http://upload.wikimedia.org/wikipedia/oc/thumb/7/7d/ClaudiMart%C3%ADAuraSegui%C3%A8r.jpg/320px-ClaudiMart%C3%ADAuraSegui%C3%A8r.jpg)
Filh d'imigrants aragoneses, sos grands li aprenguèron lo catalan, que sortissián de la Franja orientala d'Aragon, la partida catalanofòna de la comunautat autonòma d'Aragon. Tanben li aprenguèron lo castelhan e « qualquas expressions en aragonés ».
A partir dels ans 80 cambièt completament sa trajectòria musicala e politica per cantar en maitas lengas mai que mai en francés e en espanhòl (per encausa de sas originas) e gaireben pas mai en occitan.