Chamanisme
From Wikipedia, the free encyclopedia
Lo Chamanisme es un ensemble de cresenças e de practicas tradicionalas centradas sus la comunicacion amb lo mond dels esperits. LA persona que practica lo cahmanisme es lo chaman. I a fòrça variantas de chamanisme dins lo mond; vaquí de cresenças partejadas per totas las formas de chamanisme:[1]
- Pels cresents del chamanisme, los esperits existisson e an un ròlte important que siá dins las vidas de cada individú coma dins la societat umana.
- Lo chaman pòt comunicar amb lo mond dels esperits.
- Los esperits pòdon èsser bons o mals.
- Lo chaman pòt levar las malautiás causadas per esperits malins.
- Lo chaman pòt utilizar de tecnicas per induire lo viatge per aténher una extasi visionària.
- L'esperit del chaman pòt quitar lo còrs per dintrar dins lo mond sobrenatural per i cercar de responsas.
- Lo chaman evoca d'imatges d'animals que sián guidas esperitals, presagis, e portàrias de messatges.
Lo chamanisme se basa sus la premisa que lo mond visible es dominat per de fòrças o esperits invisibles que tòcan las vidas dels vivents. A diferéncia de las religions organizadas coma l'animisme, lo chamanisme demanda de coneissenças personalas e de capacitats especialas. Los chamans ofician fòra de las religions institucionalizadas e enrasigadas e, tradicionalament, opèran sols. Los chamans pòdon se gropar en associacions, coma lo fan los practicants tantrics indís.