Catalòg Messier
From Wikipedia, the free encyclopedia
Lo catalòg Messier es un catalòg astronomic creat en 1774 per lo francés Charles Messier. Son but èra de recensar leis objèctes d'aspècte difús per ajudar lei cercadors de cometas. D'efècte, lei confusions entre una cometa novèla e d'objèctes astronomics de natura inconeguda coma lei galaxias èran frequentas. L'origina de la volontat de Messier de faire son catalòg foguèt justament una error d'identificacion entre la cometa de Halley e la Nebulosa dau Cranc.
La premiera publicacion dau catalòg aguèt luòc en 1774 amb 45 objèctes. Puei, entre 1774 e 1781, aqueu nombre aumentèt a 103[1] e Messier realizèt una version finala publicada en 1784 dins lo periodic francés Connaissance des Temps. Leis objèctes M104 a M110 foguèron descubèrts per Messier e son amic Pierre Méchain après 1781. Foguèron donc ajustats au catalòg pus tard. Ansin, lo darrier apondon, per Kenneth Glyn Jones data de 1966.
Uèi, lo catalòg es plus utilizat per lei cercadors de cometas. Pasmens, es totjorn popular car regropa d'objèctes podent èsser observats amb de gemèlas o un pichon telescòpi.