Carxe
From Wikipedia, the free encyclopedia
El Carxe (/el ˈkaɾʃe/; en catalan: el Carxe; en espanhòl: el Carche) es un territòri pichon dels Païses Catalans, situat dins la region de Múrcia, ont se parla catalan, dins sa varietat valenciana. La catalanizacion lai se faguèt al començament del sègle XIX, gràcias a l'installacion de païsans que venguèron del País Valencian vesin per metre en valor de tèrras gaire abitadas abans.
| |
![]() | |
Administracion | |
---|---|
Estat | Espanha |
Comunautat autonòma | Region de Múrcia ![]() |
Geografia | |
Coordenadas | 38° 26′ 37″ N, 1° 05′ 27″ O |
Superfícia | 300 km² ![]() |
Punt culminant | serra del Carxe (1 372 m) ![]() |
Demografia | |
• Totala | 677 ![]() ![]() |
• Densitat | 2,26 ab./km² |
![Thumb image](http://upload.wikimedia.org/wikipedia/commons/thumb/7/70/Localitzaci%C3%B3_del_Carxe_a_la_Regi%C3%B3_de_M%C3%BArcia.svg/640px-Localitzaci%C3%B3_del_Carxe_a_la_Regi%C3%B3_de_M%C3%BArcia.svg.png)
Lo Carxe es tanben lo nom d'una sèrra de 1371 m d'altitud, o ben lo nom de la partida mens pichona d'aquela zona.
La zona catalanofòna compren de vilatges e masatges que son en periferia de las comunas murcianas de Iecla, Favanella e Jumella (los centres d'aquelas comunas parlan espanhòl, pas catalan). Se tròban sul replanat de Favanella, dins la comarca de l'Oriental.
Lo Carxe a una superfícia de 310 km² e 697 abitants enregistrats (2006). Gràcias a las recèrcas sociolingüisticas de Manuel Sanchis i Guarner, dempuèi los ans 50 del sègle XX, se coneis son existéncia coma zona de parlar valencian. E mai se lo catalan a pas cap de reconeissença oficiala dins la Region de Múrcia, l'Acadèmia Valenciana de la Lenga dona de classas de valencian a Iecla, a la demanda del quite municipi.