Batalha deis illas Falkland

La batalha deis illas Falkland se debanèt lo 8 de decembre de 1914 entre d'esquadras anglesa e alemanda durant la Premiera Guèrra Mondiala. Foguèt una victòria per leis Anglés qu'aquistèron lo mestritge dei mars per lo rèsta de la guèrra.

Batalha deis illas Falkland
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Informacions generalas
Data	8 de decembre de 1914
Luòc	Au larg deis illas Malvinas
Eissida	Victòria anglesa
Belligerants
Reialme Unit	Alemanha
Comandants
Doveton Sturdee	Maximilian von Spee (†)
Fòrças en preséncia
2 croisaires de batalha, 3 crosaires cuirassats, 2 crosaires leugiers, 1 cuirassat	2 crosaires cuirassats, 3 crosaires leugiers
Pèrdas
10 tuats, 19 bleçats	2 crosaires cuirassats, 2 crosaires leugiers, 1871 tuats, 215 presoniers
Batalhas
Batalhas navalas : Antivari – 1èr Heligoland – Texel – Falkland – Scarborough – Noordhinder Bank – Dogger Bank – Ancona – Durazzo – Jutlàndia – 1èr Pas de Calais – Imbros – 2a Pas de Calais

Après sa victòria navala de Coronel, la flòta alemanda dau còntra-amirau Maximilian von Spee estacionèt un mes dins lo pòrt chilian de Valparaiso. Recebèt l'òrdre de tornar en Alemanha maugrat lo blocatge anglés. Decidiguèt de bombardar la basa britanica de Port Stanley dins leis illas Malvinas (Falkland en anglés) avans de lampar vèrs lo nòrd. Pasmens, enterin que leis Alemands èran a Valparaiso, lei Britanics mandèron dos crosaires de batalha modèrnes dins lo sud de l'ocean Atlantic. Aquelei naviris avián de canons de 305 mm contra 210 mm per leis Alemands e una velocitat pus granda. Rejonhèron un grop anglés ja important.

Lo 8 de decembre de matin, von Spee mandèt dos crosaires per atacar l'estacion de ràdio e lo depaus de carbon de Port Stanley. Lei Britanics lei remarquèron e respotèron ambé precision. Leis Alemands decidiguèron de s'enfugir pendent que lei bastiments anglés dau còntra-amirau Doveton Sturdee quitavan lo pòrt entre 9 h 45 e 10 h. Von Spee decidiguèt de laissar sei dos crosaires cuirassats liurar batalha per alentir l'esquadra anglesa. Pasmens, lei naviris alemands foguèron rapidament desfachs e aprefondats. De mai, una partida de l'esquadra britanica poguèt donar caça ai vaissèus en fugida e dos foguèron destruchs avans la fin dau jorn.