From Wikipedia, the free encyclopedia
La barma de Cotier es un site arqueologic d'Occitània, en Velai, que serva de vestigis magdalenians.
Situaa a 2 km au nòrd-oèst de Retornac dins lo departament dau Naut Léger, foguèc descubèrta en 1920 per de peiriers e obstruia per de materials desprendits.
En 1920, lo professor Mayet, de Lion, e l'inspector Matte, dau Puèi, rechampèron divèrs frejaus a la superficia.
P. Bout, professor de sciéncias naturalas, i efectuèc de rechèrchas vèrs 1948 e ne redigissèc dos estudis[1],[2].
M. Virmont, jove professor e membre dau grop arqueologic «Forez-Jarez» a Sant Estève entreprenguèc de rechèrchas en 1968.
Las diferentas intervencions permetèron de descurbir mai de 4 000 vestigis arqueologics: sagaias de bana de rangiers, agulhas per cordurar en òs, dents pertusaas utilizaas coma pendents.
Aquestas descubèrtas foguèron atribuias au Magdalenian Inferior e datan adoncas de 15 000 a 18 000 ans avans lo present.
Dins la barma de Cotier, los arqueològs descurbissèron las rèstas dels animals seguents:
A aquela epòca, lo clima deviá èsser freg dins la region de Retornac.
L'industria es expausaa au Musèu Crozatier, au Puèi de Velai e a l'Ofici dau Torisme a Retornac.
La barma de Cotier es pas dubèrta a la visita: l'accès en balç es perilhós e de grasilhas ne verrolhan l'accès.
Au començament dau sègle XX, existissiá una barma, sonaa d'Orcier, dins lo mèsme balç que la barma de Cotier. Foguèc destrucha per l'esplecha de la peiriera. Un òs uman (benlèu un crani) i sariá estat descubèrt e se podriá trobar au musèu d'arqueologia nacionala a Saint-Germain-en-Laye.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.