Auta Ribagòrça
From Wikipedia, the free encyclopedia
L'Auta Ribagòrça es una comarca pirenenca situada al sud de la Val d'Aran, a l'oèst del Palhars Sobeiran e al nòrd del Jusan. A ponent limita amb la comarca omonima de l'Aragon (vejatz Ribagorça). La comarca foguèt creada per lei l'an 1987, amassa amb lo Pla d'Urgèl e lo Pla de l'Estany e, fins alavetz e dempuèi la division comarcala de 1936 aviá fach partida del Palhars Jusan, levat de la nòva division comarcala facha en 1939.
Pels articles omonims, vejatz Ribagòrça. |
| |
Entitat | comarca de Catalonha |
---|---|
Administracion | |
Estat | Espanha |
Comunautat autonòma | Catalonha |
Província | Lhèida |
Capitala | El Pont de Suert |
Geografia | |
Coordenadas | 42° 27′ 48″ N, 0° 49′ 47″ E |
Superfícia | 426,9 km²[1] |
Limitròf amb | Val d'Aran Palhars Jusan Palhars Sobeiran Ribagorça |
Demografia | |
• Totala | 3 802[2] ab. (2019 ) |
• Densitat | 8,91 ab./km² |
Gentilici | Ribagorçan, ribagorçana |
Economia | |
Sit web | www.altaribagorça.cat |
Amb aquela creacion se recuperava, doncas, una comarca qu'èra ja estada creada en 1939, en la division comarcala efemèra entrepresa per la Generalitat republicana pauc abans la fin de la Guèrra Civila, e qu'èra totjorn estada considerada coma tala en los domenis academics e scientifics, malgrat que los estaments politics l'ignorèsson. De tot biais, e en quitant de banda lo conflicte possible amb las municipalitats ribagorçanas d'administracion aragonesa que se son compresas tradicionalament dins l'Auta Ribagorça, la comarca actuala a perdut un bon nombre de municipalitats, per causas divèrsas, coma se pòt veire dins la lista seguenta:
- Barruera: inclusion en la municipalitat de la Vall de Boí (1965)
- Benés: inclusion en la municipalitat de Sarroca de Bellera, del Palhars Jusan (1972)
- Durro: inclusion en la municipalitat de la Vall de Boí (1965)
- Espluga de Serra: inclusion en la municipalitat de Tremp, del Palhars Jusan (1970)
- Llesp: inclusion en la municipalitat de el Pont de Suert (1970)
- Malpàs: inclusion en la municipalitat de el Pont de Suert (1970)
- Sapeira: inclusion en la municipalitat de Tremp, del Palhars Jusan (1970)
- Viu de Llevata: inclusion en la municipalitat de el Pont de Suert (1970).
Entitat de poblacion | Abitants |
---|---|
La Vall de Boí | 1080 |
El Pont de Suert | 2553 |
Vilaller | 699 |