Will Claye (fødd 13. juni 1991) er ein USA-amerikansk friidrettsutøvar, fødd i Phoenix i Arizona. Han har tevla i lengdehopp og tresteghopp.
Claye vart tredjemann i tresteghopp og niandemann i lengde ved verdsmeisterskapen i 2011. I 2012 vann han trestegtevlinga ved hall-VM i Istanbul, medan han under Sommar-OL i London sikra seg bronsen i lengdehopp og deretter sølvmedaljen i tresteghopp. Sidan vart Claye i tresteghopp nummer tre i VM 2013 og nummer to både i OL 2016 og VM 2017. Alle tre gongane han sikra seg sølvmedalje i tresteg, var det landsmannen Christian Taylor som fór avgarde med gullmedaljen. Sjølv vann Claye i byrjinga av mars 2018 trestegtevlinga i hall-VM for andre gong, ei tevling som fann stad i Birmingham i Storbritannia.
Den 29. juni 2019 forbetra Claye i Long Beach den personlege rekorden i tresteghopp til 18,14 meter, einast Christian Taylor og verdsrekordhaldar Jonathan Edwards hadde då hoppa lengre. Same hausten vart Claye nummer 2 i tresteg-tevlinga ved verdsmeisterskapen i Doha, atter måtte han sjå seg slått av landsmannen Taylor.
Clayes personbeste i lengdehopp på 8,29 meter er frå 2011-sesongen.
Medaljar og plasseringar i internasjonale meisterskap
- VM 2011 i Daegu: Bronsemedalje i tresteg – 17,50 m. Nr 9 i lengde – 8,10 m
- OL 2012 i London: Sølv i tresteg – 17,62 m. Bronse i lengde – 8,12 m
- VM 2013 i Moskva: Bronsemedalje i tresteg – 17,52 m
- VM 2015 i Beijing: Utslått i kvalifiseringa i tresteg (16,41 m=nr 19)
- OL 2016 i Rio de Janeiro: Sølv i tresteg – 17,76 m, bakom Christian Taylor (17,86 m)
- VM 2017 i London: Sølv i tresteg – 17,63 m, bakom Christian Taylor (17,68 m)
- VM 2019 i Doha: Sølv i tresteg – 17,74 m, bakom Christian Taylor (17,92 m)
- OL i 2021 i Tokyo: Nr 4 i tresteg – 17,44 m
- VM 2022 i Eugene: Nr 11 i tresteg – 16,54 m
- VM 2023 i Budapest: Nr 7 i tresteg – 16,99 m
- «Will Claye» (på engelsk). Olympedia.org. Henta 19. april 2024.
- Denne artikkelen bygger på «Will Claye» frå Wikipedia på engelsk, den 21. august 2019.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.