Tsjernjakhovsk

Tsjernjakhovsk (russisk Черняхо́вск, tysk Insterburg, litauisk Įsrūtis, polsk Wystruć) er ein by i Kaliningrad oblast i Russland med om lag 40 000 innbyggjarar. Han ligg rundt 80 km aust for Kaliningrad.

Tsjernjakhovsk Черняховск
Horisonten til
Flagget til Tsjernjakhovsk Byvåpenet til Tsjernjakhovsk
Plassering
Styresmakter
Land	Russland
Føderasjonssubjekt	Kaliningrad oblast
Grunnlagd Bystatus	1336 1583
Geografi
Innbyggjarar  - Totalt (2008)	40 505
Koordinatar	54°38′00″N 21°49′00″E
Tidssone - Ved sommartid	EET (UTC+2) EEST (UTC+3)
Diverse annan informasjon
Retningsnummer (tlf)	+7 40141

Historie

Den tyske riddarordenen grunnla borga Insterburg i 1336. Ein busetnad voks fram rundt borga og denne busetnaden, som òg vart kalla Insterburg, fekk byrettar i 1583. Insterburg vart ein del av Hertugdømet Preussen og seinare Aust-Preussen i Kongeriket Preussen.

Byen vart ein del av Det tyske keisardømet i 1871.

Under den andre verdskrigen vart Insterburg tungt bomba av britiske Royal Air Force 27. juli 1944. Byen vart storma av styrkar frå den raude armeen den 21. januar 1945. Insterburg vart etter krigen overført frå Tyskland til Sovjetunionen som eit ledd i Potsdam-konferansen. Den tyske folkesetnaden i byen vart anten evakuert eller utvist og vart erstatta med russarar. I 1946 vart namnet Insterburg endra til Tsjernjakhovsk, etter den sovjetiske generalen (seinare marskalk) Ivan Tsjernjakhovskij.

Bakgrunnsstoff

• Nettsted for Tsjernjakhovsk, med mange bilete frå Tsjernjakhovsk og Insterburg, gamle og nye bykart og byen si historie.
• Tsjernjakhovsk nettportal

Kjelder

• Delar av denne artikkelen bygger på «Tsjernjakhovsk» frå Wikipedia på bokmål, den 29. januar 2009.