Solveig Kloppen
From Wikipedia, the free encyclopedia
From Wikipedia, the free encyclopedia
Solveig Kloppen (fødd 10. juni 1971 i Trondheim) er ein norsk skodespelar og programleiar.
Solveig Kloppen | |
Statsborgarskap | Noreg |
Fødd | 10. juni 1971 (53 år) Trondheim ![]() |
Yrke | journalist, programleiar, radioprogramleiar, skodespelar |
Ektefelle | Kjartan Brügger Bjånesøy ![]() |
Prisar | Gullruten for beste programleder, Gullrutens publikumspris, Gullruten for beste programleder |
Solveig Kloppen på Commons |
Solveig Kloppen er oppvaksen i Vik i Sogn og på Jessheim på Øvre Romerike. Som russ ved Jessheim vidaregåande skule i 1991 var ho både revysjef, instruktør og artist. Ho har utdanning frå universiteta i Bergen og Oslo, frå Journalisthøgskulen og dessutan frå Fysioterapihøgskulen i Oslo.
Solveig Kloppen har tidlegare vore standup-komikar. Ho spelte resepsjonisten Tina i komiserien Bot og bedring på TV 2 frå 1996 til 1998 og leidde prateprogrammet Mandagsklubben på TVNorge i 2000 og ungdomsprogrammet Trigger på NRK saman med Thomas Numme. Sommaren 2003 leidde ho Petres sommermorgen på radiokanalen NRK P3 saman med Annette Walther. Same haust laga ho skjult-kamera-innslag til NRK1 sitt laurdagsunderhaldningsprogram LørDan. Ho spelte lesbiske Marte i den romantiske filmkomedien Kvinnen i mitt liv som vart lansert i 2003 og rollen som Mortimers mor i eventyrfilmen Dragevokterens jul frå 2020.
Solveig Kloppen var programleiar i Idol på TV 2 saman med Ingrid Gjessing i 2004-sesongen og med Kåre Magnus Bergh i 2005 og 2006. For innsatsen i Idol vann ho publikumsprisen under Gullruten 2005. Ho var òg nominert til Gullruten 2008 for innsatsen som programleiar for Hjelpekorpset saman med Helén Vikstvedt. Våren 2011 var ho medprogramleiar i TV 2-serien Svendsen om Hansen og Jensen der ho og Truls Svendsen freista å avkrefta eller stadfesta mytar nordmenn har om kvarandre. Serien vart kåra til beste magasin- eller livsstilsprogram under Gullruten 2011. Seinare var ho programleiar i Ønskedrømmen på TV 2 saman med Øyvind Mund og Carsten Skjelbreid og frå januar 2015 TV2-programmet En kveld hos Kloppen. For programmet vann ho Gullruten 2017 i klassa beste kvinnelege programleiar og var nominert til publikumsprisen under Gullruten 2018.[1][2] Føre Gullruten 2018 vart ho nominert i klassa beste programleiar for Det jeg ikke fikk sagt og til publikumsprisen.[3]
Ho har òg leidd Spellemannprisen to gonger saman med Ivar Christian Johansen (2009 og 2010) og Amandaprisen 2013.
Sidan 2012 har ho vore programleiar for talentkonkurransen Norske Talenter.[4] Den første sesongen ho var programleiar leidd ho sendingane saman med Stian Blipp, men har sidan 2014 vore programleiar åleine.
Kloppen er gift med Dagbladet-journalisten Kjartan Brügger Bjånesøy. Saman har dei to barn.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.