Sandtorg

Sandtorg er ei bygd ved Tjeldsundet i Harstad kommune med ca 300 innbyggjarar. Viktigaste arbeidsstad er Rødskjær industriområde der SIVA driv produksjon av plastbåtar. Ved den over 220 år gamle handelsstaden ligg eit hotell og campingplass. Sandtorg grensar mot fylkesgrensa til Nordland i sør og nabobygda Haukebø i nord.

Sandtorg
stad
Sandtorg ca. 1895 Foto: Thorstein Brændmo
Land	Noreg
Fylke	Troms
Kommune	Harstad
Postnummer	9430 SANDTORG
Innbyggjarnamn	sandtorging
Ferdselsårer	83
Sandtorg 68.56505°N 16.50925°E / 68.56505; 16.50925
Wikimedia Commons: Sandtorg

Sandtorg kommune 1926 - 1964

Sandtorg var tidlegare eigen kommune med Harstad som administrasjonsstad. Kommunen grensa mot byskiljet i nord og fylkesgrensa til Nordland i sør. Han vart oppretta som eigen kommune i 1926, då han vart skilt ut frå Trondenes kommune. 1. januar 1964 vart kommunen slått saman med Harstad og Trondenes til den nye storkommunen Harstad.^[1]

Folketalsutvikling

Folketalsutvikling for tidlegare Sandtorg kommune frå 1930 til 1964:

1.12.1930[2]	3.12.1946[2]	1.1.1951[3]	1.1.1961[3]	1.1.1964[1]
4224	5072	5394	7081	7512

Sandtorg prestegjeld

Sandtorg prestegjeld vart oppretta med eige sokneprestembete i 1956. Sandtorg kyrkje ligg i Sørvik, 20 km nordom bygda Sandborg.

Sandtorg bygdetun

Sandtorg bygdetun ligg ved Sandtorg kyrkje i Sørvik. Bygdetunet er ei samling av lokale bygningar — dei eldste stammar frå 1700-talet.

Bakgrunnsstoff

• Sandtorgsidene Arkivert 2005-04-29 ved Wayback Machine.

Fotnotar

1. Dag Juvkam, Historisk oversikt over endringer i kommune- og fylkesinndelingen (SSB, 1999)
2. Statistisk årbok for Norge 69. årgang, 1950 (Statistisk sentralbyrå, 1950)
3. Folkemengd i Sandtorg 1. januar kvart år frå 1951, frå Statistisk sentralbyrå