Saint-Omer
From Wikipedia, the free encyclopedia
Saint-Omer er ein by og kommune nord i Frankrike. Han er sous-préfecture (administrasjonssenter) i departementet Pas-de-Calais i regionen Hauts-de-France, og har om lag 15 000 innbyggjarar. Han ligg 68 km nordvest for Lille. Byen er kalla opp etter St. Audomare (Omer) (d. om lag 670) som misjonerte i området.
| Saint-Omer | ||
|---|---|---|
 | ||
| ||
| Styresmakter | ||
| Land Region Departement |
Frankrike Hauts-de-France Pas-de-Calais | |
| Geografi | ||
| Flatevidd | 16,4 km² | |
| Flatevidd - By |
16,4 km² | |
| Innbyggjarar - By (1999) - folketettleik |
15 747 961/km² | |
| Koordinatar | 50°45′N 02°16′E | |
| Høgd over havet | 6 m | |
| Tidssone - Ved sommartid |
CET (UTC+1) UTC+2 (UTC) | |
| Diverse anna | ||
| Postnummer | 62500 | |
| Heimeside: www.ville-saint-omer.fr | ||
| Plassering | ||
 | ||
Ved Saint-Omer byrjar ein kanalisert del av elva Aa, som munnar ut i Nordsjøen ved Gravelines. Elva er forbunde med Neufossé-kanalen, som endar opp i Lys.
Omer, biskop av Thérouanne, oppretta eit kloster vigd heilage Bertin her på 600-talet.
På 800-talet voks landsbyen rundt klosteret og fekk namnet St. Omer. Normannarar jamna staden med jorda omkring 860 og 880, men ti år seinare hadde byen og klosteret fått bymur som verna dei frå vidare åtak.
Byen ligg i eit område som har vorte mykje kjempa om mellom franskmenn, Flandern, engelskmenn og spanjolar. St. Omer var av den grunn mykje omleira og fleire gonger øydelagd. I 1071 vart Filip I og grev Arnulf III av Flandern slått ved St. Omer av Robert I av Flandern. I 1127 fekk byen kommunestatus av William Clito, greve av Flandern. I 1340 vart det utkjempa eit stort slag her mellom den anglo-flamske hæren og den franske under leiing av hertug Eudes IV av Burgund. Dei flamske styrkane vart tvungen til å trekke seg tilbake.
I 1493 vart byen ein del av Nederlanda under spansk styre. Franskmenna prøvde fleire gonger å vinne byen tilbake mellom 1551 og 1596, og igjen i 1638 (under kardinal Richelieu) og 1647. Men i 1677, etter 17 dagar med omleiring, tvinga Ludvig XIV byen til å overgje seg. Denne erobringa vart stadfesta i Nijmegen-traktaten. I 1711 var Saint-Omer på nippet til å overgje seg til Prins Eugene av Savoie og hertug John Churchill av Marlborough på grunn av matmangel, men vart redda av ei modig Jacqueline Robin, som risikerte livet sitt med å føre forsyningar inn i byen.
Wikimedia Commons har multimedia som gjeld: Saint-Omer
- Festningsverka i Saint-Omer Arkivert 2006-06-15 ved Wayback Machine.
- Nettside om Lycée Alexandre Ribot i Saint Omer Arkivert 2012-12-11 ved Archive.is
- Audowiki Arkivert 2016-03-05 ved Wayback Machine.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
