From Wikipedia, the free encyclopedia
Robert Høneren Johansson (fødd 23. mars 1990) er ein norsk skihoppar frå Lillehammer som vann bronsemedaljen i normalbakkerennet under Vinter-OL 2018 og vann VM-gull i laghopping i skiflyging same sesongen. Han er medlem i Søre Ål Idrettslag.
| Robert Johansson | |
|
| |
| Statsborgarskap | Noreg |
| Fødd | 23. mars 1990 (34 år) Lillehammer kommune |
| Idrett | skihopping |
| Tok del i | Vinter-OL 2018, Vinter-OL 2022, Europalekene 2023 |
Johansson debuterte i verdscupen i skihopping 29. november 2013 Kuusamo. Fyrst i 2017-sesongen nådde han internasjonalt nivå, då han som best kom på andreplass i Innsbruck den 4. januar, hans hittil (februar 2018) einaste pallplassering i ei individuell verdscuptevling. Den 18. mars 2017 forbetra Johansson verdsrekorden i skiflyging til 252 meter under verdscuprennet i laghopping i Vikersundbakken. Rekorden vart ståande i einast ein halv time, ettersom Stefan Kraft frå Austerrike landa på 253,5 meter i den andre omgangen. Nøyaktig ei veke seinare sette Johansson bakkerekord i Planica med 250 meter og vart fyrstemann over 250 m i to ulike hoppbakkar.
I lag med Andreas Stjernen, Johann André Forfang og Daniel-André Tande utgjorde Johansson det norske laget som tok gull i lagtevlinga under VM i skiflyging 2018 i Oberstdorf. Tre veker etter kneip han bronsemedaljen i normalbakken då Vinter-OL 2018 tok til i Pyeongchang, slått einast av verdsmeister Andreas Wellinger frå Tyskland og sin eigen landsmann Forfang.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
