Power Up
From Wikipedia, the free encyclopedia
Power Up (forkorta PWR/UP, òg skrive som PWRϟUP) er det syttande studioalbumet til det australske rockebandet AC/DC, gitt ut 13. november 2020 på Columbia Records og Sony Music Australia. Power Up markerer tilbakekomsten til vokalisten Brian Johnson, trommeslagaren Phil Rudd og bassisten Cliff Williams, som alle forlét AC/DC før, under og etter støtteturneen for det førre albumet deira Rock or Bust (2014).[10][11][12] Dette er òg det første albumet til bandet etter at medgrunnleggjaren og rytmegitaristen Malcolm Young døydde i 2017, og ifølgje broren Angus er det ei hyllest til han.[13][14] Albumet vart generelt godt motteke av musikkritikarar og nådde førsteplassen i 21 land. Det selde 1,4 millionar eksemplar på verdsbasis.[15]
| Power Up Studioalbum av AC/DC | ||
| Språk | engelsk | |
| Utgjeve | 13. november 2020 | |
| Innspelt |
| |
| Studio | The Warehouse (Vancouver) | |
| Sjanger | ||
| Lengd | 41:03 | |
| Selskap |
| |
| Produsent | Brendan O'Brien | |
| AC/DC-kronologi | ||
|---|---|---|
| Rock or Bust (2014) |
Power Up |
|
| Singlar frå Power Up | ||
Ved ARIA Music Awards i 2021 vart albumet nominert til Beste rockealbum, og bandet vart nominert til beste gruppe.[16]
På iHeartRadio Music Awards i 2021 vann albumet prisen for årets rockealbum. Singelen «Shot in the Dark» vart nominert til årets rockelåt, men tapte for Foo Fighters-songen «Shame Shame».[17]
Til Grammyprisen vart albumet nominert til beste rockealbum, og «Shot In The Dark» vart nominert til beste rockesong og beste musikkvideo.[18]
Bakgrunn og innspeling
Etter albumet Rock or Bust] frå 2014 la gruppa ut på ein sytten månader lang verdsturné. Før turneen vart trommeslagaren Phil Rudd sikta for drapsforsøk, drapstruslar og innehaving av metamfetamin og cannabis. Til turneen vart Rudd erstatta av Chris Slade, som òg tidlegare hadde spelt med AC/DC i 1990 på albumet deira The Razors Edge, fleire år etter at Rudd først forlét bandet.[19] I 2016 hadde vokalisten Brian Johnson byrja å få nedsett høyrsel,[20][21], noko som førte til at dei ti siste konsertane på Rock or Bust-turneen måtte leggjast om. Til slutt vart han erstatta med Guns N' Roses-vokalisten Axl Rose for dei resterande datoane.[19][22] 8. juli 2016 kunngjorde bassist Cliff Williams at han ville trekkja seg frå bandet når turneen var over, og grunngav dette med helseproblem og kalla AC/DC eit «forandra dyr».[23]
I 2018 byrja det å gå rykte om at AC/DC jobba med det syttande studioalbumet sitt, og at Johnson, Rudd og Williams var tilbake i gruppa. Johnson, Rudd, Angus Young og Stevie Young vart fotografert i august 2018 i Warehouse Studio, eit innspelingsstudio i Vancouver i British Columbia i Canada eigd av musikarkollegaen Bryan Adams, noko som tyda på at bandet jobba der dei hadde spelt inn dei tre tidlegare albuma. [24][25][26] Rykta vart seinare stadfesta som sanninga, og albumet vart spelt inn der over ein seksvekersperiode i august og september 2018 med produsenten Brendan O'Brien, som òg hadde ansvaret for Black Ice frå 2008 og Rock or Bust frå 2014,[13] og deretter vart det gjort nokre justeringar tidleg i 2019.[14] Alle spora er krediterte Angus og Malcolm Young, ettersom Angus hadde plyndra AC/DC-kvelven med upubliserte låtar for å spela inn albumet.[14]
Marknadsføring og utgiving
Etter ei rekkje kryptiske reklameklipp med teksten PWR/UP (stilisert som PWRϟUP) på nettsida til bandet, vart tittelen til albumet avslørt som Power Up den 7. oktober 2020.[19][27]
Etter ei rekkje reklameklipp i dagane før vart òg musikken til den første singelen til bandet, «Shot in the Dark», sleppt same dag.[3][28] Ein musikkvideo til låten vart sleppt 26. oktober 2020.[29] Låten toppa Billboard' [Mainstream Rock-lista|Mainstream Rock Songs]]-lista i to veker frå november 2020.[30] Eit (53-sekunds) kort klipp av ein annan låt, «Demon Fire», vart òg debutert i forkant av albumutgivinga 30. oktober 2020[31][32][4] og vart sleppt igjen 8. desember 2020, dagen før den komplette låten hadde verdspremiere.[33]
Musikken til den andre singelen til albumet, «Realize», vart sleppt 11. november 2020.[4][34]
Albumet vart gitt ut 13. november 2020.[35] I løpet av den første veka etter utgivinga var det venta at albumet ville komma på anten første- eller andreplass på Billboard' 200, og at det ville toppa albumlistene i USA og Storbritannia.[36][37][38]
Den 7. desember 2020 vart det annonsert at musikkvideoen til «Demon Fire» ville få verdspremiere 9. desember 2020 som tredje singel frå albumet.[39][40]
Ein musikkvideo til låten «Realize» vart sleppt via YouTube 13. januar 2021.[41]
Ein musikkvideo til songen «Witch's Spell» vart sleppt via YouTube 9. juni 2021.[42] Ein musikkvideo til låten «Through the Mists of Time» vart sleppt via YouTube 30. september 2021.[43]
Mottaking
| Meldingar | |
|---|---|
| Samla karakter | |
| Kjelde | Karakter |
| Metacritic | 79/100[44] |
| Karakter | |
| Kjelde | Karakter |
| AllMusic | [45] |
| Clash | [46] |
| Consequence of Sound | A−[47] |
| Exclaim! | 7/10[48] |
| The Guardian | [49] |
| The Independent | [50] |
| Kerrang! | [51] |
| NME | [52] |
| Rolling Stone | [53] |
| The Sydney Morning Herald | [54] |
På Metacritic, som tildeler ein normalisert rating av 100 til meldingar frå profesjonelle publikasjonar, fekk utgivinga ein skår på 79, basert på 19 meldingar, noko som indikerer «generelt positive meldingar».[44] AnyDecentMusic? gav albumet 7,2 av 10, basert på deira vurdering av den kritiske konsensusen.[55]
I AllMusic si melding av Stephen Thomas Erlewine heit det: «Gode tider har alltid vore ein viktig del av bandet, men det er ei djup kjensle i lettheita på Power Up, som om bandet bestemde seg for at den beste måten å visa respekt for det dei har mista, er å fokusera på det dei framleis har. Dei dveler ikkje ved fortida, dei spring framover med eit sett turbolada blues og høgoktan rock som ikkje berre høyrest bra ut, det kjennest nærande.»[45] Daniel Sylvester i Exclaim! noterte: «Det faktumet at AC/DC kom saman for å skapa noko så tilfredsstillande som Power Up då korta låg på bordet er eit mirakel i seg sjølv, og AC/DC verkar meir enn klare til å feira.»[48] Kitty Empire i The Guardian gav albumet tre av fem stjerner og skreiv: «Viss deja vu er ei velkjend kjensle med AC/DC, er det få band som har klart å få så mykje variasjon ut av så få bestanddelar som desse trufaste reduksjonistane. For den uminka tryggleiken AC/DC gir i møte med motgang, er det vanskeleg å la vera å hylla dei.»[49] Nick Ruskell i Kerrang! noterte: «AC/DC har laga eit album som, sjølv til dei å vera, er ei høgspent feiring av livet, dei beste tider og den absolutt ukuelege, grenselause krafta i eit par akkordar og ein fire–fire-beat. I ei tid der det er så godt som ulovleg å komma saman med kompisane sine og festa, drikka øl, pula og leva livet, har AC/DC aldri kjendest meir nødvendige eller vitale enn no, som ei påminning om kor mektig og tidlaus sjølve ideen om desse fantastiske tinga er.»[51]
Utmerkingar
| Publikasjon | Utmerking | Rangering |
|---|---|---|
| Consequence of Sound | Top 50 Albums of 2020 | 44[56] |
| Rolling Stone | Top 50 Albums of 2020 | 45[57] |
Sal
I Australia debuterte Power Up på førsteplass på ARIA Charts, og AC/DC vart dermed det første bandet med eit australsk album på førsteplass på fem tiår på rad (1980- til 2020-talet).[58] Albumet selde 21 535 eksemplar den første veka og overgjekk resten av topp 15 til saman.[59] Per 12. desember hadde det lege fire veker på førsteplass, og vart dermed det albumet som har lege lengst på førsteplass i Australia i 2020.[60]
I USA debuterte Power Up som nummer éin på Billboard 200-lista, med 117 000 albumekvivalentar (inkludert 111 000 reine sal) i opningsveka.[61] Det vart det tredje albumet til bandet som nådde førsteplassen på hitlista, etter For Those About to Rock We Salute You (1981) og Black Ice (2008). [61] I tillegg akkumulerte sporet til albumet totalt 7,8 millionar strøymingar i veka som enda 28. november.
Albumet debuterte på førsteplass på UK Albums Chart den 13. november 2020 med 62 000 selde album, og fortrengde dermed Kylie Minogue sitt Disco som den hittil største opningsveka i 2020.[62]
I Tyskland debuterte albumet som nummer éin og selde nesten 160 000 eksemplar, årets beste start.[63] Det vart liggjande på førsteplass i totalt 5 veker i strekk, og vart det mest selde albumet i 2020.[64]
På verdsbasis var det det sjette mest selde albumet i 2020 med 1,37 millionar selde eksemplar.[15]
Innhald
All spor skrivne av Angus Young og Malcolm Young.[14]
| Nr. | Tittel | Lengd |
|---|---|---|
| 1. | «Realize» | 3:37 |
| 2. | «Rejection» | 4:06 |
| 3. | «Shot in the Dark» | 3:06 |
| 4. | «Through the Mists of Time» | 3:32 |
| 5. | «Kick You When You're Down» | 3:10 |
| 6. | «Witch's Spell» | 3:42 |
| Nr. | Tittel | Lengd |
|---|---|---|
| 7. | «Demon Fire» | 3:30 |
| 8. | «Wild Reputation» | 2:54 |
| 9. | «No Man's Land» | 3:39 |
| 10. | «Systems Down» | 3:12 |
| 11. | «Money Shot» | 3:05 |
| 12. | «Code Red» | 3:31 |
| Total lengd | 41:03 | |
Medverkande
Henta frå platenotata til Power Up.[65]
AC/DC
- Brian Johnson – solovokal
- Angus Young – sologitar
- Stevie Young – rytmegitar, korvokal
- Cliff Williams – bassgitar, korvokal
- Phil Rudd – trommer
Andre medverkande
- Mike Fraser – lydteknikar, miksing
- Brendan O'Brien – produsent, miksing
- Ryan Smith – mastering
- Billy Bowers – ekstra lydteknikar
- Zach Blackstone – assisterande lydteknikar
- Dominick Civiero – assisterande lydteknikar
- Richard Jones – utstyrsteknikar
- Trace Foster – utstyrsteknikar
- Simon Murton – utstyrsteknikar
- Josh Cheuse – kunstnarisk leiar og fotografi, design
- Michelle Holme – kunstnarisk leiar og design
- Ben Ib – plateomslag
Salslister
Vekeslister
|
Årslister
|
Salstrofé og salstal
| Region | Salstrofé | Salstal |
|---|---|---|
| Australia (ARIA)[121] | Gull | 35 000^ |
| Austerrike (IFPI Austerrike)[122] | Platina | 15 000x |
| Canada | 38,000[123] | |
| Frankrike (SNEP)[124] | 2× Platina | 200 000* |
| Tyskland (BVMI)[125] | 3× Gull | 300 000^ |
| Italia (FIMI)[126] | Gull | 25 000* |
| Polen(ZPAV)[127] | Platina | 20 000* |
| Spania(PROMUSICAE)[128] | Gull | 20 000^ |
| Sverige (GLF)[129] | Gull | 20 000^ |
| Sveits(IFPI Switzerland)[130] | Platina | 30 000x |
| Storbritannia (BPI)[131] | Gull | 100 000^ |
| Oppsummering | ||
| Worldwide (IFPI) | 1,400,000[15] | |
|
xuspesifserte tal er baserte på sertifiseringa aleine | ||
Kjelder
Wikiwand - on
Seamless Wikipedia browsing. On steroids.