Ola Bremnes

Ola Bremnes (fødd 18. april 1955) er ein norsk musikar, forfattar og trubadur. Med melodien Mi pia, din gutt sette han ny rekord på Norsktoppen med plassering 95 veker på rad.

Ola Bremnes
Fødd	18. april 1955 (69 år)
Fødestad	Svolvær
Fødenamn	Ola Martin Bremnes
Opphav	Noreg
Plateselskap	Kirkelig Kulturverksted
Verka som	musikar, skribent, plateartist
Far	Ole H. Bremnes
Born	Inge Bremnes
Prisar	Blixprisen, Kardemommestipendiet, Kvæfjord kommunes kulturpris, Nordland fylkes kulturpris, Nordlysprisen, Spellemannprisen i visesang

Ola Bremnes, Linda Lillevik og Dagfinn Bakke ved lanseringa av boka og plata Fly med!, ei gjenfortelling av sagnet om skarvane frå Utrøst, september 2014

Bakgrunn

Ola Bremnes er fødd i Svolvær, og han er son til Ole H. Bremnes. Ola Bremnes bur på Bremnes i Kvæfjord i Troms. Han er eldstebroren til musikarane Kari Bremnes og Lars Bremnes.

Han har arbeidd mykje med Petter Dass, blant anna i oppsettinga Vær hilset! (1995) som har vore framført på ei rekke festivalar. Verket Reysetøy var bestillingsverk til Festspillene i Nord-Norge 2001.

Ola Bremnes gav i 2007 ut barneboka Trøbbel i trapesen, illustrert av Odd Henning Skyllingstad.

3. april 2019 opna Ola Bremnes utstilling Olas alfabet i Galleri Nord-Norge i Harstad med 174 eigenproduserte bilde. Ola har òg i fleire år illustrert bøkene til Jens Brekke frå Vik i Sogn.^[1]

Diskografi

• 1980 (2015) – Folk i husan, platedebuten til Kari Bremnes og Ola Bremnes. "13 sanger, innspilt i Arne Bendiksen Studio, Oslo og utgitt på Triola i 1980." (Ny utgåve:) Arne Bendiksen, 2015.
• 1984 – Mitt navn er Petter Dass med Kari Bremnes, tekstar av Petter Dass og musikk ved Sigvald Tveit, Pro Musica
• 1992 – Ord fra en fjord, med søskena Kari og Lars Bremnes, tekstar av Ole H. Bremnes, Spinner Records
• 1980 (1993) – Folk i husan, med Kari, Arne Bendiksen Records (ny utgåve 1993)
• 1993 – Der trollbåra bryt, nordnorske eventyr lese av Karl Erik Harr, Grappa
• 1995 – Vær hilset!, med Bodø Domkor, med komponist Bjørn Andor Drage, og musikarane Håvard Lund, Susanne Lundeng, Børge Petersen-Øverleir, Terje Venaas og Finn Sletten. Grappa
• 1997 (1993) – Så lenge scootern kan gå, barnesongar frå førestillinga med Rikskonsertane 1993, med bl.a. Jan Gunnar Hoff, Grappa, 1997
• 1998 – Vi som bygger skip, i høve 100-årsjubileet til Kaarbø-verkstaden i Harstad i 1995. Arrangement ved Bjørn Andor Drage. Euridice turn left
• 1999 – Soløye med søskena Kari og Lars Bremnes, Kirkelig Kulturverksted. Dei vann Spellemannprisen 2000 i klassen viser og viserock for denne plata. Melodien Mi pia, din gutt sette ny rekord på Norsktoppen med 95 veker på rad.
• 2003 – Livstegn, soloplate, Spinner Records.
• 2006 – Gudene vet, soloplate, Spell Musikk
• 2010 – Hav av tid, soloplate, Spell Musikk
• 2013 – I det blå, Spell Musikk
• 2015 – Molo, Spell Musikk
• 2017 – Petters Poetiske Pulver, Spell Musikk
• 2018 – Fly Med, med Linda Lillevik, Spell Musikk

Bibliografi

• 1983 – Nu vil vi legge ut, salmer/sanger/viser, Nordnorsk forlag
• 1997 – Jubel og sang, salmer/sanger/viser, Cappelen.
• 2001 – Kirkemellom, bildebok, Godstrek
• 2007 – Trøbbel i trapesen, barnebok, Gyldendal

Prisar og utmerkingar

• 1980 – Nominert til Spellemannprisen 1980 i klassen viser for Folk i husan (med Kari Bremnes)
• 1994 – Blixprisen
• 1997 – Nordland fylkes kulturpris (med ([Kari Bremnes|Kari]] og Lars Bremnes)
• 1999 – Kvæfjord kommunes kulturpris (med Synnøve Olsen og Doris Markussen)
• 2000 – Spellemannprisen 2000 i klassen viser og viserock for Soløye (med Kari og Lars Bremnes)
• 2004 – Nordlysprisen
• 2004 – Nominert til Spellemannprisen 2004 i klassen "viser" for Livstegn
• 2006 – Kardemommestipendiet (med Ulf Risnes)
• 2006 – Nominert til Spellemannprisen 2006 i klassen ""viser" for Gudene vet
• 2009 – Prøysenprisen (med Lars Bremnes)
• 2016 – Gammleng-prisen i klassen "viser"

Kjelder

1. [e-mail], Tore Skadal 48003070- (3. april 2019), «Fargeglade streker», ht.no (på norsk bokmål), henta 21. april 2019

• Delar av denne artikkelen bygger på «Ola Bremnes» frå Wikipedia på bokmål, den 1. august 2007.

Bakgrunnsstoff

• olabremnes.no